web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi për shembjen e shtëpisë/ Reagon IKMT: Prekej nga projekti i Unazës

1 Shkurt 2024, 16:56, Aktualitet CNA

Denoncimi për shembjen e shtëpisë/ Reagon IKMT: Prekej nga

Inspektorati Kombëtar i Mbrojtjes së Territorit ka reaguar për denoncimin e bërë mbrëmjen e djeshme në emisionin investigativ “Fiks Fare” me rastin e shembjes së një banese në 3-katëshe në Tiranë.

IKMT deklaron se banesa u shemb për shkak se përfshihej në objektet e shpronësuara me vendim qeverie për projektin e Unazës së Madhe.

Ndryshe ngasa pretend pronari i banesës, IKMT thotë se ai është njoftuar për shembjen në të njëjtën formë siç edhe u njoftuan banorët tjerë.

“Lidhur me rastin e transmetuar në emisionin “Fiks Fare” të datës 31 janar 2024, IKMT sqaron opinionin publik se kundrejt subjektit të Latif Saraçi janë kryer të gjitha procedurat sipas ligjit. Për efekt të zbatimit të projektit të Unazës së Madhe të Tiranës, prona e tij është përfshirë në objektet e shpronësuara me vendim qeverie. Konkretisht VKM Nr. 748, datë 20.12.2023.

Njoftimi për shembjen e banesës është kryer njësoj e po në të njëjtën formë për të gjithë subjektet e tjera në atë zonë. Në asnjë rast IKMT nuk vepron me selektivitet apo në shkelje të përcaktimeve ligjore.

Duke mirëkuptuar ndjeshmërinë e çdo rasti, theksojmë se nuk është qëllimi ynë në vetvete të dëmtojmë qytetarët dhe as të rëndojmë pozitat e tyre. Përkundrazi kemi detyrimin të garantojmë trajtim sipas ligjit edhe kur prona e tyre shpronësohet për efekt të një vepre publike sikundër është Unaza e Madhe e Tiranës.

IKMT çmon shumë edhe punën e medias për të garantuar transparencën në vendimarrje dhe zbatim të ligjit. Pavarësisht ndonjë episodi apo situate sporadike që mund të jetë krijuar një terren me punonjësit tanë, pashmangshmërisht qasja jonë është për të bashkëpunuar me median dhe qytetarët në të mirë të interesit publik”, thuhet në deklaratë./ CNA





Lajmet e fundit nga