web counter
LEXO PA REKLAMA!

SHKARKO APP

App Store
Google Play

E fundit!

x

112-vjetori i Pavarësisë/ At Ilia Kotnani: Të nderojmë të parët tanë

28 Nëntor 2024, 12:09, Aktualitet CNA

112-vjetori i Pavarësisë/ At Ilia Kotnani: Të nderojmë

At Ilia Kotnani ka dhënë mesazhin e tij nëpërmjet ekranit të Cna Tv, duke treguar se sot është ditë e lavdishme ku nëpërmjet meshës në Katedrale, pasqyrohet më së miri lidhja e kishës me njerëzit që kanë luftuar për vendin tonë.

At Ilia shprehet se këtë traditë duhet t'ua përcjellim brezave në vazhdim që ata të kenë dashuri për atdheun.

"Sot siç e dimë të gjithë, është dita e Pavarësisë së Shqipërisë, një rrugë e lavdishme nga patriotët tanë të cilët luftuan për atdheun. Në vazhdim të traditave që ruan kisha jonë ortodokse, është tani e udhës që çdo 28 nëntor, në Katedralen "Ngjallja e Krishtit" në Korçë, ne zhvillojmë ceremoninë e Dhoksologjisë së Flamurit, që do të thotë lavdërimi i tij.

Është e viteve 1920 nga imzot Fan Noli, dhe kjo pasqyron më së miri lidhjen e kishës me njerëzit që ata që kanë punuar dhe luftuar, ne i kujtojmë dhe është detyre e përgjithshme që të nderojmë dhe të respektojmë të parët tanë, e të ecim në shembullin e cilësive dhe virtyteve më të mira.

Ceremonia është shumë e larmishme, shumë e bukur dhe ndjell ndjenja kënaqësie, ndjenja përulësie, respekti dhe dashurie për të parët tanë. Këto janë një traditë që duhet t'ua lemë edhe brezave në vazhdim që ata të kenë dashuri për atdheun, për vendin, për kombin”, tha At Ilia Kotnani./ CNA

 





Lajmet e fundit nga