web counter
LEXO PA REKLAMA!

SHKARKO APP

App Store
Google Play

Pusi i premton besnikëri Skënderbeut: Në Korçë kam kaluar momente të bukura

19 Maj 2022, 11:28, Sport CNA

Sezonin e ri Skënderbeu do të jetë në Kategorinë e Parë dhe për të gjithë lojtarët zgjedhja bëhet më e vështirë. Kontrata e sulmuesit Belajdi Pusi me bardhekuqtë mbaron në fund të këtij viti, por sulmuesi u shpreh i bindur se zgjedhja do të jetë më e mira për të dyja palët. Ai nuk e fshehu dëshirën për të vijuar me Skënderbeun, duke shprehur fjalë besnikërie. Sipas tij, gjithçka do të varet nga takimi me Takajn dhe plani i klubit për ekipin.

?Është diskutim që do të bëhet me presidentin, për të parë se çfarë kërkon klubi. Unë jam ndier mirë këtu. Për mua nuk është çështje kategorie, pasi Skënderbeu dhe Korça më kanë dhënë shumë këto vite. Prandaj, dëshira e mirë ekziston.

Nuk do të iki vjedhurazi. Do të pres të flas me presidentin dhe të bëjmë zgjidhjen e përbashkët në të mirë të të dyja palëve. Në Korçë kam kaluar momente të bukura dhe të vështira të cilat më kanë rritur shumë profesionalisht. Dëshira ime është të ndërroj ambient dhe të shikoj për një aventurë të re, por më parë duhet të ulem dhe të flas me presidentin për këtë temë. Shpresoj që Skënderbeu të ngjitet sa më shpejt sepse është një vlerë e madhe për Superioren?, sqaroi 24-vjeçari shkodran.





Lajmet e fundit nga