web counter
LEXO PA REKLAMA!

SHKARKO APP

App Store
Google Play

Rrebeshe dhe ulje temperaturash/ Ja kur do të rikthehen ditët e ngrohta me diell

2 Maj 2022, 14:12, Aktualitet CNA

Deri në mesin e kësaj jave do të ketë prezencë të reshjeve në vendin tonë, ndërsa temperaturat nuk do ti kalojnë 19 gradë.

Sipas sinoptikanes, Lajda Porja Po gjysma e parë e muajit Maj do të jetë me reshje. Pjesën tjetër, tha ajo, do të ketë temperatura të larta.

?Parashikohet që deri në mesin e javës të paktën deri ditën e mërkurë prezenca e reshjeve të jetë kryesisht në zonat malore, ndërsa sot pritet që i gjithë territori të jetë me vranësira dhe reshje shiu. Herë pas here do të ketë momente rrebeshe afatshkurtra kryesisht në veri, veriperëndim. Zonat qendrore dhe jugore do të kenë shira në sasi më të pakta.

E marta dhe e mërkura kryesisht në zonat malore. Të enjten dhe të premten moti do të jetë me diell dhe me vranësira, do ketë rikthim të shirave ditën e shtunë, por në sasi të pakta.

Maji është parashikuar që të ketë prezencë të reshjeve në pjesën e parë të saj. Themi deri nga data 11, 12. Megjithëse në sasi të pakta, reshjet do të jenë prezente. Më shumë në zonat malore, por nuk përjashtohet edhe zona qendrore. Në pjesën e dytë të muajit do të kemi temperatura më të larta?, u shpreh Porja./CNA.al

 





Lajmet e fundit nga