LEXO PA REKLAMA!

SHKARKO APP

E fundit!

x

Nuredin Dumani del nga spitali 6 ditë pas arrestimit

4 Prill 2022, 17:55, Kronika CNA
Nuredin Dumani del nga spitali 6 ditë pas arrestimit

Nuredin Dumani ka dalë nga Spitali i Traumës në Tiranë, 6 ditë pas arrestimit.

Dumani është transferuar drejt Spitalit të Burgut pranë Qendrës Spitalore Universitare ?Nënë Tereza?.

I akuzuari për disa vrasje mori mjekim pas plagosjes në një atentat në Elbasan.

37-vjeçari është transportuar me ambulancë nën masa të forta sigurie nga policia.

Ai do të qëndrojë edhe për disa ditë në Spitalin e Burgut, ndërsa më pas do të transferohet në paraburgim.

Dumani u arrestua mbrëmjen e 29 marsit në Fier pak pasi kishte marrë mjekim për plagosje në shpinë nga tre mjekë në një shtëpi private.

Dyshohet se Dumani mbeti i plagosur gjatë një atentati që kishte organizuar kundër Talo Çelës, një tjetër person i shumëkërkuar.

Dumani është një nga personazhet më të rrezikshëm në Shqipëri, i akuzuar për një seri ngjarjesh kriminale.

Ai dyshohet se është i përfshirë në disa vrasje, përfshirë ekzekutimin e dy vëllezërve Besmir dhe Viktor Haxhia në prill 2020 në Durrës./euronews

Lajmet e fundit nga