web counter
LEXO PA REKLAMA!

SHKARKO APP

App Store
Google Play

E fundit!

x

Rekordi/ 2 gëzime në një ditë për Luiza Gegën, sportistja shqiptare hyn në histori

6 Mars 2022, 11:20, Sport CNA

Kampionati Ballkanik i sallave të mbyllura në Atletikë që po zhvillohet në Turqi, ka parë shqiptaren Luiza Gega që të ngrejë sërish flamurin kuqezi me dy medalje të tjera. Gega ia doli të siguronte medaljet në edicionin e 27 të turneut, duke hyrë në historinë e ballkaniadave si e para sportiste që merr 8 medalje ari.

Gega fitoi garën e 3000 metrave, teksa në atë të 1500 metrave zuri vendin e dytë. Tanimë numri i medaljeve të saj të arit në Kampionatin Ballkanik shkon në tetë, me shqiptaren që hyn në histori.

?Dy gara, dy medalje. 1500 metra, medalje argjendi, 3000 metra, medalje ari. E teta medalje ari që fitoj në Kampionatin Ballkanik (në salla të mbyllura).

Gjithsesi surpriza më e madhe ishte sepse sot mora vesh që u bëra sportistja e parë në historinë e Kampionatit Ballkanik që fitoj më shumë medalje ari.

Në fakt është hera e parë që provoj të bëj dy gara brenda 50 minutave. Mund ta quaj një stërvitje të mirë me finish të shpejtë, përpara Kampionatit Botëror?, shkruan Gega.





Lajmet e fundit nga