Asambleja e FSHF-së / Vendoset shtyrja e zgjedhjeve, caktohet data e re (VIDEO)

2 Mars 2022, 10:33, Sport CNA

Asambleja e FSHF mblidhet sot në një mënyrë të pazakontë. Ndonëse FSHf ka insistuar për zhvillimin normal të një Asambleje që duhet ë prodhojë emrin e presidenti të ri të saj dhe të Komitetit Ekzekutiv, ka vendim gjykate që e cilëson të paligjshëm zhvillimin e këtij aktiviteti. Në vijim, Panorama Sport ju fton të ndiqni ngjarjet orë pas ore të kësaj mbledhje të pazakontë.

Ora 11:20 Miratohet zhvillimi i zgjedhjeve për president të FSHF-së dhe Komitetit Ekzekutiv më datë 15 mars.

Zv. presidenti, Edvin Libohova: ?Kësaj Asambleje i ka paraprirë dy vendime gjykate, ankimuesit janë tërhequr nga e drejta e padisë dhe nuk kanë më vlerë. Njëri është shfuqizuar dhe është një tjetër që mund të bëjë pengesë në respekt të vendimit të gjykatës në fjalë. Ju ftojmë të biem dakord që të shtyjmë zgjedhjet me datën 15 mars në orën 10. Nëse jeni dakord në parim të votojmë?, tha Libohova.

Asambleja më pas votoi për ndryshimin e datës të Asamblesë.

11:02 ?Sporti nuk duhet bërë politikë?, presidenti i Futbollit të Italisë: Uroj që në këtë asamble të kemi hedhur pas shpine?

10:45 Pjesë nga fjalimi i Dukës.

?Duke kërkuar me qetësi atë që ka ndodhur gjatë këtyre ditëve, kam gjetur gjërat që duhet të zgjidhim dhe ajo është zhvillimi i futbollit.

Të lëmë mënjanë sulmet, mllefin dhe inatin e mbartur. Jam i qartë në atë që them, duhet të shohim para, pa u ndikuar nga tensionet artificiale të situatës së krijuar. Kaluam monopate, kreshta e kodrina por ato na kanë kalitur.

Duhet të mbyllim të kaluarën, siç i takon shtëpisë tonë ku gjithçka zgjidhet me dashuri e vëmendje, jo me gjyqe e penalitete që i përkasin një periudhe të të kaluarës.

Duke reaguar në këtë situatë, ju kërkoj vetëm një gjë, bashkim, kontribut dhe dashuri për lojën përbashkët, futbolli ka nevojë për të gjithë ne.

Nuk do të reshtim së bashkëpunuari me shtetin për ta bindur që investimi nuk është thjesht një dëshirë, por një detyrë e të gjithë neve për të ardhmen e fëmijëve tanë.

Çdo përpjekje për të gjetur zgjidhje jashtë futbollit krijon kaos?.

10:42 Asamblenë e drejton zv. presidenti i FSHF, Edvin Libohova, i cili mori fjalën vetëm për t?ia kaluar atë Armand Dukës.

Ora 10:35 FSHF nis punimet e Asamblesë së saj edhe pse ka një vendim gjykate kundër zhvillimit të këtij aktiviteti.

Ora 10:37 Asambleja fillon me ?Himnin e Flamurit? dhe më pas duke kujtuar emrat e njohur të futbollit e sportit që u ndanë nga jeta në vitin e fundit. U mbajt një minutë heshtje për emra si Ramazan Rragami, Robet Jashari, Ylli Mihali, Arben Laze, Vladimir Ajazi, Ylli Tare, Remzi Bulku, Vladimir Grillo, Shefqet Caslli, Hamdi Zhegu, Mustafa Hysi, Kostandin Grillo, Spartak Elmazi dhe Ilir Haxhiu.

Ora 10:25 Asambleja e paligjshme, kandidati për president i FSHF e bojkoton

Ora 10:10 Gabriele Gravina, presidenti i Federatës Italiane të Futbollit, mbërrin në zyrat e FSHF për të monitoruar Asamblenë si i dërguar nga UEFA.

Ora 10:02 FSHF vazhdon me modelin e saj të kontrollit të informacionit për publikun, duke vendosur që në sallë gjatë Asamblesë të ketë media, por me proces selektiv për ata të cilat mbështetin qëndrimet e institucionit të futbollit.

Ora 09:45 Në zyrat e FSHF-së tashmë kanë mbërritur edhe emra si Ilirjan Përmeti (sekretari i Skënderbeut). Alban Xhaferi (presidenti i Vllaznisë), Armando Cungu (trajneri i U19), Gazment Demi (presidenti i Partizanit) apo Refik Halili (presidenti i Tiranës).

Ora 09:30 Mbërrijnë anëtarët e Komitetit Ekzekutiv të FSHF-së