web counter
LEXO PA REKLAMA!

SHKARKO APP

App Store
Google Play

E fundit!

x

Puthja e shumëpërfolur e Ilirit me Arjolën/ Flet bashkëshortja e balerinit, tregon si e ka pritur

11 Shkurt 2022, 08:22, Lifestyle CNA

Puthja mes Ilir Shaqirit dhe Arjola Demirit, u komentua shumë në mediat rozë. Teksa luanin një skenë filmi ata shkëmbyen një puthje, por çfarë mendon bashkëshortja e Ilirit për këtë? A është ndjerë xheloze?

Emanuela ka treguar se nuk është aspak xheloze dhe ajo puthje nuk përbën problem pasi është dhënë në kuadër të një skene filmi.

Madje ajo ka shtuar se kur të vijë në Tiranë, personi i parë të cilin do të takojë pas Ilirit është pikërisht Arjola.

Pjesë nga intervista:

Si po të duket fakti që Iliri është finalist, e pas pak ditësh mund ta përqafosh?

Jam e lumtur për të se e meriton të jetë në finale dhe e lumtur se do të kthehet në shtëpi më në fund.

Do kthehet direkt në shtëpi apo do vish ti në Shqipëri?

Unë vij në Tiranë për finalen dhe do të rri për pak ditë. Pastaj unë do kthehem në Romë për punë, ndërsa ai nuk e di. Do ta shohim.

Ke parë me kujdes se çfarë ka ndodhur këto kohët e fundit?

E kam ndjekur, por  mund të më ketë kaluar ndonjë gjë, se ju shqiptarët flisni shpejt dhe nuk e kuptoj

Po puthja të kaloi?

Jo. E kam parë. Është folur shumë për këtë puthje. Por në të vërtetë nuk ka asgjë për të folur, pasi është pjesë e një skene. Nuk jam ndjerë aspak xheloze.

Më kë do kishe zgjedhur me banorët aty, përveç Ilirit, që do pije një kafe?

Me finalistët? Me të gjithë, të them të vërtetën, se më pëlqen të kuptoj nga secili prej tyre si e mendojnë dhe e kanë përjetuar këtë eksperiencë. Ndoshta personi i parë do ishte pikërisht Arjola.

Do kishe pranuar të hyje në shtëpinë e BB VIP, njësoj si Iliri?

Nuk e di. Unë nuk e di nëse mund të qëndroj kaq shumë larg nga vajza. Do të ishte një sfidë e madhe për mua./A.E-CNA.al





Lajmet e fundit nga