web counter
LEXO PA REKLAMA!

SHKARKO APP

App Store
Google Play

E fundit!

x

Renditja e FIFA-s/ Kryeson Belgjika, Kanadaja skuadra me progresin më të madh

23 Dhjetor 2021, 11:44, Sport CNA

Është publikuar renditja e fundit zyrtare e FIFA-s për vitin 2021. Në vend të parë është sërish Belgjika, që për të katërtin vit radhazi mbyll në majë këtë renditje të veçantë. Podiumin e plotësojnë Brazili dhe Franca, ndërsa pas tyre renditen Anglia, Argjentina dhe Italia.

Për shkak të pandemisë gjatë vitit 2020 u zhvilluan vetëm 352 ndeshje ndërkombëtare, numri më i ulët i takimeve të zhvilluara në një vit kalendarik, që nga viti 1987.

Kanadaja (renditet e 40-ta) është kombëtarja që ka ngjitur më shumë shkallë në klasifikim, pasi ka grumbulluar 130.32 pikë në 12 muaj e fundit.

Fituesit e Euro 2020 dhe Kupës së Amerikës 2021, respektivisht Italia dhe Argjentina kanë përmirësuar renditjen e tyre gjatë këtij viti. Në ngjitje janë edhe SHBA-ja dhe Anglia.

Guinea Ekuatoriale ka bërë progresin më të madh nga vendet afrikane, ndërsa Arabia Saudite është përmirësuar më shumë në Azi.

Gjithsesi, skuadra që ka bërë më shumë progres në këtë renditje vetëm gjatë muajit të fundit është Indonezia (vendi i 164-t), Algjeria (vendi 29-të) dhe Katari (48).





Lajmet e fundit nga