web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Pas 11 dhjetorit, Basha pushon së qenuri kryetar i PD

9 Dhjetor 2021, 21:08, Politikë CNA

?Lulzim Basha mbaron së qenuri kryetar i PD pas 11 dhjetorit?. Kështu është shprehur ish kryeministri Sali Berisha, teksa ka folur për situatën e fundit politike në vend.

Në një intervistë për emisionin Opinion në Tv Klan me Blendi Fevziun, Berisha deklaroi se veprimet e ligjshme statutore të PD për rivendosjen e pluralizmit dhe opozitës së vërtetë në Shqipëri nuk mund t’i injorojë askush.

Berisha shtoi se Kuvendi do të mbahet në stadium për të siguruar transparencë të plotë për të gjithë delegatët.

?Lulzim Basha pushon së qeni kryetar i PD pas votimit të Kuvendit Kombëtar, në datën 11 dhjetor. Veprimet e ligjshme statutore të PD për rivendosjen e pluralizmit dhe opozitës së vërtetë në Shqipëri nuk mund t’i injorojë askush. Të gjithë delegatët në formularin që kanë firmosur kanë patur të paraqitur edhe qëndrimin ndaj Lulzim Bashës. Pra, shkarkimi i tij është firmosur nga 5 mijë e 100 delegatë. Nëse ky Kuvend mbahet në stadium, kjo sepse në mënyrën më absurde Lulzim Basha zmadhoi Kuvendin në 7 herë më të madh se sa Kuvendin e CDU-së gjermane dhe po kaq herë më të madh se Kuvendin e Partisë Popullore të Kinës. Ne detyrohemi të mblidhemi në stadium për hir të transparencës. Dhe një problem i dytë është COVID. Salla e Kongreseve ze 2200 vetë dhe nëse ulemi një po, një jo, aty nuk merr më shumë se 1100 delegatë. Kuvendet që ka bërë Lulzim Basha në atë sallë kanë qenë fiktive?, tha Berisha./E.K-CNA.al





Lajmet e fundit nga