web counter
LEXO PA REKLAMA!

SHKARKO APP

App Store
Google Play

Denoncimi/ Shoferët e autoambulancave nuk marrin orët shtesë

7 Dhjetor 2021, 20:03, Denoncim CNA

Emisioni Stop në Tv Klan është ndalur në Mirditë, ku 10 shoferë të 5 autoambulancave ankohen se prej 4 vitesh nuk paguhen për ditët e pushimeve, festat zyrtare dhe orët shtesë. Së fundmi, në muajin Nëntor, drejtori i spitalit, përmes një shkrese u ka premtuar shtesën prej 25% të pagesës.

Në krahasim me kolegët e tyre në spitalet e tjera, ata thonë se kanë humbur çdo muaj të paktën 100 mijë Lekë të vjetra.

?Problemi qëndron që kur kemi kaluar në Urgjencat Kombëtare ka rreth 4 vjet është bërë shtesë 100 mijë Lekë. Ne marrim nga 80 mijë Lekë më pak. Ora e të dielës ne nuk na paguhet. Ne nuk paguhemi as për festat. Ka 3 vjet që nuk marrim dietat. Ne nuk na paguhen edhe orët e natës. Pak a shumë humbja çdo muaj është mbi 100 mijë Lekë?.

?Mendoj që duhet të na paguajnë orët shtesë. Të nisësh në 7-8 e të dorëzosh shërbimin në 20:00 ne s?marrim asgjë?.

Për të kuptuar së çfarë ka ndodhur, gazetarja e emisionit Stop ka mbledhur në një tryezë në Spitalin e Mirditës shoferët e autoambulancave specialisten e pagave, juristen dhe drejtorin Edmond Karrica. Ata japin versione të ndryshme kur pyeten se pse nuk është respektuar pagesa e këtyre punonjësve.

Por përveç pagave të tyre, edhe ambulancat mesa duket nuk janë kushtet më të mira. Njëri prej shoferëve të autoambulancave thotë se 42 vjet punë, por kurrë nuk ka punuar në kushte më të këqija, duke filluar nga uniforma, pagesa dhe mjeti, që është kthyer në rrangallë e mezi transporton të sëmurët deri te dera e spitalit.

?Në spitalin e Rrëshenit janë 5 ambulanca, 1 e kanë nxjerrë jashtë përdorimit se nuk i janë bërë shërbimet. Më kanë caktuar me këtë (i referohet autoambulancës), punoj ku më thonë. Kjo ambulancë është për ibret. Kjo ka vetëm oksigjenin që e mbajmë në gatishmëri. Unë kam 42 vjet punë si shofer. Në jetën time, makinë më rrangalle s?kam punuar?, shprehet ai. /tvklan.al





Lajmet e fundit nga