E fundit!

11:38 Aktualitet

Dalin mesazhet/ Deputetët e PD-së kundër bojkotit të seancës në Kuvend

Vendimi i Partisë Demokratike për të mos marrë pjesë në se...

Gazetari zbulon skandalin/ 600 mijë euro nga buxheti i shtetit, “dhuratë” për një kompani private

2 Dhjetor 2021, 10:40, Politikë CNA

Gazetari Klodian Tomorri ka denoncuar një tender, të zhvilluar së fundi nga ARRSH, për zgjerimin e rrugës që lidh Aeroportin e Vlorës me Autostraden Fier-Vlorë.

Në një postim në rrjetet sociale, gazetari e cilëson këtë tender si monument të pisllëkut.

Kjo pasi sipas tij janë skualifikuar nga gara 10 kompani, dhe është shpallur fituese kompania ?Fusha?, e cila dha ofertën me çmimin më të lartë.

Sipas tij, diferenca nga oferta më e ulët tek oferta fituese është plot 600 mijë euro.

?Një tjetër tender i shkëlqyer në infrastrukturë

Ka bërë një tender ARRSH për zgjerimin e rrugës që lidh Aeroportin e Vlorës me Autostraden Fier-Vlorë. Fondi limit 2.2 milionë euro. Ajo që ka ndodhur aty është një monument i pisllëkut buxhetor.

Kanë skualifikuar 10 ofertat më të ulëta dhe ia kanë dhënë tenderin kompanise së 11-të.

Kush ishte kompania e 11-të? Fusha. Diferenca nga oferta më e ulët tek oferta fituese është plot 600 mijë euro.

Statistikisht, probabliteti që 10 oferta rresht të mos jenë në rregull me kriteret e tenderit është zero. Thjesht është e pamundur të ndodhë. Por si e kanë justifikuar? Kollaj fare.

Të dhjetë ofertat janë skualifikuar thuajse me të njëjtin sebep. Kompanitë nuk kanë patur të kontraktuar ose të punësuar një ekspert për dhënien e ndihmës së parë. Domethënë duhej një infermier me kutinë e ndihmës së shpejtë në kantier.

Kriteret e tenderave të këtyre janë vepër arti. A thua se nuk i kërkohet dot kompanisë, që ka paraqitur oferten më të mirë të pajtojë një ekspert të ndihmës së shpejtë pasi është zhvilluar tenderi. Institucionet e huaja, USAID-i, BE etj etj kështu veprojnë kur bëjnë tendera. Kurse këta tanët jo. Sepse këta nuk kanë qëllim të mbrojnë taksapaguesin dhe ta cojnë garën tek oferta më e mirë për buxhetin. Qëllimi i këtyre është që të përdorin kriteret për ta çuar tenderin aty ku duan.

Si përfundim, këtë infermierin e Fushës, që do të vijë rrotull kantierit të rrugës me kutinë e ndihmës së shpejtë në dorë do ta paguajmë 600 mijë euro ne për vetëm 14 muaj. Njësoj si CEO-n e Goldman Sachsit.?-shkruan Klodian Tomorri./CNA.al