web counter
LEXO PA REKLAMA!

SHKARKO APP

App Store
Google Play

E fundit!

x

Lebetitëse/ Po nesër cilin do groposim?

18 Nëntor 2021, 10:53, Aktualitet CNA

Gazetari Bledi Mane ka reaguar ashpër në lidhje me vrasjen e fëmijës 8 vjeç, në Fier.

Në një postim në rrjetet sociale, ai shkruan se shoqëria shqiptare, as politika nuk ka bërë asgjë për mbrojtjen e fëmijëve.

Ai thekson se ne i ?vrasim? çdo ditë fëmijët tanë, ndërsa apelon që nuk është koha për të vajtuar por për të marrë masa menjëherë.

?Pse bëni sikur qani për vrasjen makabre të ëngjëllit 8 vjeçar në Fier? Pse aktroni sikur u dhimbset fëmijëria e atdheut tuaj?

A nuk i vrasim ne çdo ditë fëmijët me mësuesit injorantë militantë mediokër nëpër shkolla?

A nuk i vrasim ne çdo mbrëmje fëmijët me lajmet dhe programet e llahtarshme televizive?

A nuk i shtypim ne me papërgjegjshmërinë dhe me makinat tona nëpër rrugë fëmijët?

A dini ju ndonjë seancë parlamentare apo ndonjë rezolutë ekskluzive politike-sociale kushtuar fëmijëve shqiptarë?

A dini ju ndonjë ministri apo institucion publik të mirëfilltë që merret me hallet e fëmijëve shqiptarë?

A dini ju ndonjë listë pedofilësh dhe të sëmurësh mendorë që policia shqiptare mban nën mbikqyrje si të rrezikshëm për fëmijët?

A i ke numëruar sa lypsa fëmijë ke në rrugët e qytetit tënd dhe a ua di hallet e abuzimeve ndaj tyre…

Ja pra të gjitha këto janë gropa të hapura ku ne i varrosim të gjallë fëmijët tanë. Ndaj fshiji lotët, mbyll gojën, hap mendjen dhe vepro për fëmijët e atdheut tënd tani!?-shkruan Bledi Mane./CNA.al





Lajmet e fundit nga