E fundit!

11:39 Aktualitet

Rama ka ndërhyrë për Ballukun?/ Braho-opozitës: Paraqitini provat në SPAK

Deputetja Elda Hoti në Komisionin për Nismat Qytetare ka d...

Ikonë e bukurisë/ Historia e trishtë e aktores Sharon Stone

29 Tetor 2021, 13:04, Lifestyle CNA

Sharon Stone,është cilësuar si ikonë e bukurisë së përjetshme dhe si femra që nuk plaket kurrë. Aktorja e njohur amerikane ajo bëri një shkëputje të papritur nga kinematografia pikërisht në kulmin e karrierës dhe suksesit së saj.

Ka një shpjegim në lidhje me këtë fakt.

Mësohet se Sharon Stone pësoi hemorragji cerebrale, një gjendje emergjence mjekësore, e cila ka një shkallë të lartë vdekshmërie në rast se nuk ndërhyhet me shpejtësi. Por aktorja u paraqit në spital në ditën e pestë të hemorragjisë, pra shumë me vonesë.

Në luftë me jetën, Sharon Stone ka rrëfyer se kishte vetëm një arsye për të jetuar, më të fortën, të jetonte pranë të birit të saj. U zgjua pas operacionit që shkoi me sukses, por iu desh të mësonte nga e para të ecte, të dëgjonte, të shkruante dhe të fliste. Gjithçka nga e para.

Nuk mbaron me kaq.

Dhe ndërkohë që bënte gjithë këto, brenda dy viteve nga hemorragjia cerebrale, bashkëshorti i saj u nda nga Sharon Stone, u lidh me të dashurën e tij dhe e hodhi atë në gjyq për kujdestarinë e djalit.

?Nuk isha as e fortë dhe as e aftë të shkoja përherë në gjyqe për të luftuar për kujdestarinë e tim biri. Në ato momente, gjithçka që mendoja ishte se isha një dështim. Familja ime nuk ekzistonte më, karriera ime ishte shkatërruar, djalin ma kishin marrë? ?, janë fjalët e Sharon Stone në një intervistë.

Sot aktorja ka tri fëmijë, njërin biologjik dhe dy të birësuar. Sharon i është rikthyer gjithashtu karrierës së saj dhe njëkohësisht, është përfshirë edhe në shumë fushata të lidhura me AIDS. Ajo ka investuar dhe ka mbledhur fonde kundër AIDS, si dhe për kërkime shkencore lidhur me këtë sëmundje, pikërisht sepse donte ta përdorte famën e saj për diçka në të mirë të njerëzimit.

?Nga këto eksperienca, gjithçka u bë më e mirë për mua. Unë mendoj nuk ka rëndësi se si bie, por se si ngrihesh pas çdo sfide?, ? është shprehur ikona e Bukurise, aktorja Sharon Stone./CNA.al