web counter
LEXO PA REKLAMA!

SHKARKO APP

App Store
Google Play

Vranësira dhe temperatura nën zero gradë/ Zbuloni surprizat që ka rezervuar moti gjatë javës

11 Tetor 2021, 08:26, Sociale CNA

Dita ka nisur me vranësira dhe shira të konsiderueshëm që në orët e para të mëngjesit, në pjesën më të madhe të territorit shqiptar. Pritet që dita e martë të sjellë një ndërprerje të reshjeve për tu rikthyer sërisht në pjesën e dytë të ditës së mërkurë.  Në fakt dita e mërkurë, dita e enjte dhe e premte do të sjellë një itesifikim të reshjeve në pjesën më të madhe të vendit ku më problematike situata do të paraqitet sërish në zonat jugore ku shirat do të jenë me intesitete mesatare.

Me ardhjen e sistemit të vranësirave dhe shirave do të kemi një shtim të parametrit të erës duke bërë që në zonat bregdetare era të shkoje edhe në 70 ose mbi 70 kilometra në orë, dhe dallgëzim 5 ose 6 ballë. Pritet që reshjet të jenë prezentë edhe gjatë fundjavës por do të kenë dobësim të ndjeshëm të intesitetit të tyre.

Sipas MeteoAlb, për sa i përket tablosë termike për sot dhe nesër, mbetemi në vlerën 23 apo 24 Gradë Celsius. Duke filluar që nga dita e mërkurë kemi rënie të temperaturave nga dita në ditë dukë kulmuar ditën e premte dhe në fundjavë ku presim temparatura të ulta 0 ose edhe -1 grade në zonat malore, ndërkohë pritet që vlera maksimale të jetë jo më shumë se 19 Gradë.

Parashikohet që këto temperatura të vijojnë gjatë gjithë javës për shkak të masave ajrore me origjinë nga veriu i Europës./CNA.al





Lajmet e fundit nga