web counter
LEXO PA REKLAMA!

SHKARKO APP

App Store
Google Play

E fundit!

x

Kryebashkiaku i Ramës nën hetime/ Zbardhen akuzat

24 Shtator 2021, 11:26, Politikë CNA

Punësimet eletorale të denoncuara gjatë fushatës zgjedhore kanë përfunduar në Gjykatë.

Gjykata e Apelit të Shkodrës ka urdhëruar Prokurorinë e këtij rrethi që të nisë hetimet për akuzat e PD mbi punësimet elektorale në Bashkinë e Vaut të Dejës.

Prokuroria pritet të thërrasë kryebashkiakun Mark Babani dhe personat përgjegjës për punësimet.

Marash Logu, përfaqësuesi ligjor i PD,  në një prononcim për mediat ka thënë se ka prova konkrete që e implikojnë Bashkinë e Vaut të Dejës në punësime masive për fushatë elektorale për zgjedhjet e 25 prillit.

Sipas të njëjtit, provat janë vetëm maja e ajsbergut dhe masakrës elektorale që ka  bërë PS gjatë fushatës.

Kujëtojmë se në vitin 2019, PD ka publikuar prova për dënimin dhe dëbimin nga Italia të kryetarit të bashkisë së Vaut të Dejës, Mark Babanit.

Sipas PD, referuar dokumenteve zyrtare të shtetit Italian, Babani rezulton i arrestuar për vjedhje makinash në Siçili dhe për këtë ka bërë burg.

Mark Babani është arrestuar më datë 4 Prill 1994 në zonën e Siçilisë me emrin e rremë Marq Babaj.

“Mark Babani është person me precedentë penal. Rezulton se Mark Babani është arrestuar më 4 prill 1994 në Siçili për vjedhje në bashkëpunim. Ai është arrestuar nga policia duke vjedhur makina. Ai ka qenë pjesë e një grupi kriminal në Siçili. Ai ka qëndruar në burg deri në datën 6 maj 1994 dhe më pas është dënuar dhe dëbuar nga shteti Italian. Kjo është vetëm një pjesë e dojses kriminale për kandidatin e Ramës për Vaun e Dejës. Sipas ligjit për dekriminalizimin nuk mund të kandidohen persona të tillë.Mark Babani duhet të ndiqet penalisht për falsifikim të formularit të dekriminalizimit. Edi Rama, me heshtjen e tije tregoi se po mbron Babanin. I kërkojmë prokurorisë të hetojë menjëherë rastin”, deklaronte Gazment Bardhi, në vitin 2019./CNA.al





07:44 Politikë

Luli mos ki frikë!

Lulzim Basha dhe të tijtë, disa personazhe edhe të panjohur ...

Lajmet e fundit nga