Peshat e rënda të futbollit zbresin sot në fushë/ Nga Juventusi te Bajerni dhe Reali, e diela e mbushur plot me spektakël

22 Gusht 2021, 09:10, Sport CNA

Dita e sotme do të jetë një spektakël i vërtetë për sa i përketë arenës futbollistike. Në fushë zbresin disa nga peshat e rënda të futbollit Europian. Derbi mes Arsenalit dhe Chelseas është një nga përballjet më të zjarrta të kësaj fundjave.

Pavarësisht ndryshimeve rrënjësore që ka pësuar në të gjitha aspektet skuadra e Chelsea-t nën drejtimin e trajnerit Thomas Tuchel në mënyrë të pabesueshme ?Topçinjtë? kanë fituar tre përballjet e fundit kompetitive mes tyre, në të gjithë kompeticionet.

Tani gjërat kanë marrë një rrjedhë krejt tjetër dhe përkrahësit e Arsenalit do të ishin vërtet shumë të lumtur qoftë edhe me një barazim. Derbi i Londrës Veriperëndimore pra i gjen këto dy klube në pozita të ndryshme dhe i vetmi avantazh për Arsenalin mund të konsiderohet fakti që ?Topçinjtë? e luajnë këtë ndeshje në Stadiumin Emirates.

Përsa i përket sfidave të tjera të dielën në mbrëmje do të zbresin në fushë edhe dy skuadrat e famshme madrilene. Kampionët në fuqi në Primera Division do të presin në ?Wanda Metropolitano?, në orën 19:30 Elche-n, ndërsa rekordmenët e futbollit spanjoll do të masin forcat në orën 22:00, në Qytetin e Valencias, me skuadrën e Levantes.

Në Bundesliga, pas triumfit në Superkupën e Gjermanisë, Bajerni i Mynihut do të kërkojë fitoren e parë në kampionat, teksa do të presë në orën 17:30 në ?Allianz Arena? ekipin e Këlnit, ndërsa më herët në orën 15:30 në Sinsheim do të luhet takimi Hoffenheim ? Union Berlin.

Në Premier League me interes pritet gjithashtu edhe sfida e orës 15:00 Southampton ? Manchester United, ndërsa në mbrëmje në orën 20:45 përvec ligës spanjolle tifozët e futbollit francez kanë rastin për të ndjekur edhe derbin e Mesdheut, Nice ? Marseille.

Një spektakël i vërtetë pritet të jenë dhe sfidat e Serisë A, që këtë sezon janë një ekskluzivitet i Tibo dhe Tring. Në fushë zbresin emrat e mëdhenj si Juventusi, Napoli, Roma, që do të kërkojnë ta nisin kampionatin me këmbën e mbarë. Të gjitha ndeshjet e Serisë A do të tranametohen nga Tibo dhe Tring.