web counter
LEXO PA REKLAMA!

SHKARKO APP

App Store
Google Play

E fundit!

x

Kryebashkiaku i Ramës i dënuar me 3 vite burg/ KQZ shqyrton “Qerim Ismailajn”

2 Korrik 2021, 10:03, Politikë CNA

Komisioni Qendror i Zgjedhjeve i është rikthyer çështjes së verifikimit për kryetarin e bashkisë së Mallakastrës Qerim Ismailaj.

Ky i fundit,  rezultoi i dënuar në mungesë me 3 vite burg në Greqi për përleshje dhe rrahje me persona të tjerë.

Ishte fillimisht PD që e denoncoi rastin e Ismailajt dhe më pas e konfirmoi Prokuroria e Përgjithshme.

PD dhe përfaqësuesi i saj në KQZ, Ivi Kaso, kanë kërkuar shkarkimin nga detyra të Ismailajt, pasi ka gënjyer duke mos e deklaruar dënimin në formularin e dekriminalizmit.

Nga ana tjetër , avokati i Ismailajt, Besnik Strati, pretendon se kreu i Bashkisë Mallakastër nuk është vënë në dijeni nga pala greke për dënimin e dhënë ndaj tij.

Qerim Ismailaj është dënuar në Greqi nga Gjykata e Chios me 3 vite burg në mungesë për veprën penale “Konflikti dhe përleshjes”. Kjo vepër penale në Kodin tonë Penala korrespondon me veprën “dëmtime të tjera me dashje” parashikuar nga ne 90/1 e cila sanksionon vetëm dënim me gjobë, vepër që nuk e prek ligji i dekriminalizimit

Por, KQZ, pasi ka dëgjuar të dy palë ka rrëzuar kërkesën e PD, duke lënë në detyrë kreun e Bashkisë së Mallkastrës, Qerim Ismailajn.

Celibashi argumentoi vendimin e tij duke thënë se për një rast dënimi jashtë vendit, KQZ lexon vendimin e prokurorisë, sipas së cilës, Ismailaj për veprën penale të “Rrahjes” në Shqipëri do të ishte dënuar me gjobë, gjë që nuk e çon atë në kushtet e ndalimit të kandidimit./CNA.al





Lajmet e fundit nga