web counter
LEXO PA REKLAMA!

SHKARKO APP

App Store
Google Play

Sterling në delir: Kundërshtarët nuk na përballojnë dot

30 Qershor 2021, 07:16, Sport CNA

Rahim Sterling është futbollisti i dytë që shënon secilin nga tre golat e parë të Anglisë në një turne (Botëror ose Europian) pas Geri Linekerit në Kupën e Botës 1986. Është rritur vetëm disa metra larg ?Wembley?-t dhe po tregon se është lojtari më i rëndësishëm i ?Tre Luanëve?.

Sulmuesi i Mançester Sitit ka shënuar 15 gola në 20 ndeshjet e tij të fundit me fanellën e kombëtares, pas një periudhe 27 ndeshjesh pa gol. Sa herë ai realizon për ?Tre Luanët? (13 raste), Anglia nuk ka humbur kurrë. Është një bast që po e fiton edhe me Pep Guardiolën, me të cilin nuk ishte më një zgjedhje e parë në sulmin e ?Qytetarëve? sezonin e fundit.

?Jemi shumë të kënaqur. Duhet të bënim një ndeshje të madhe kundër një skuadre të fortë dhe ne e bëmë. Të shënosh për kombëtaren do të jetë gjithnjë speciale dhe është një moment i tillë për mua. Festova dhe për një gjysmë sekonde mendova ?shpresoj që të mos jetë pozicion jashtë loje?.

Jam me të vërtetë i lumtur që top hyri brenda dhe morëm fitoren. E dinim intensitetin me të cilën mund të luajmë dhe jo shumë skuadra mund ta përballojnë atë. Deklan Rajs dhe Kalvin Filips, dy mesfushorët tanë, e hëngrën barin dhe ishin si bisha atje?, tha Sterling. Tani është momenti për të rikuperuar forcat dhe menduar për çerekfinalen: ?Do ta marrim ndeshje pas ndeshjeje. Le të rikuperohemi dhe përqendrohemi për sfidën e ardhshme?.





Lajmet e fundit nga