web counter
LEXO PA REKLAMA!

SHKARKO APP

App Store
Google Play

Lufta kundër Covid-19/ Mjekja Aurora Meta Dollenerg tregon se kur do të morë fund pandemia

12 Maj 2021, 16:14, Lifestyle CNA

Mjekja shqiptare në Gjermani, Aurora Meta Dollenerg është shprehur se ka shumë shanse që në vjeshtën e këtij viti ta kemi fituar luftën me pandeminë që ka pushtuar botën. Dollenerg shton se arma e vetme për të mundur Covid-19 është vaksina.

“Është normale që të kemi një ndjenjë të dëshiruar euforie që e kemi lënë pas pandeminë, por jemi në premisa shumë të larta që në vjeshtën e këtij viti mund të quhet kjo luftë me pandeminë e fituar nga njerëzimi. Kjo sepse jo vetëm vaksina ekziston si arma për ta mposhtur pandeminë, por edhe medikamentet e para që janë speciale për të gjithë ata që e kalojnë COVID me simptoma mesatare apo të rënda”, tha Dollenerg për Report Tv.

Mjekja është shprehur se në verë do të kemi mundësinë të udhëtojmë në Ballkan e Europë, në shumicën e vendeve, ku do të hiqet edhe karantina dy-javore. Ajo tha se vaksina ruse është njohur nga EMA dhe sipas saj, edhe vaksina kineze do të pranohet.

“Numri i të vaksinuarve po rrite nga dita në ditë. Verën do kemi mundësi të udhëtojmë, në Ballkan, në Europën Jugore, është e thuajse e sigurt për numrin më të madh të vendeve. Vaksina ruse është në rrugën më të mbarë që të njihet nga EMA dhe të marrë patentat e sigurisë. Për vaksinën kineze është akoma një valë skepticizmi në Europë, por tendenca që ka BE dhe Europa, për lëvizjen e qytetarëve dhe që turizmi të jetë i mundshëm, të gjithë janë të predispozuar të shohim një hapje dhe shanset që edhe vaksina kize, ata që e kanë pasaportën, do të mund të lëvizin lirshëm”, u shpreh mjekja./CNA.al





Lajmet e fundit nga