web counter
LEXO PA REKLAMA!

SHKARKO APP

E fundit!

x

Nuk ka vend për të te Bylis, mesfushori kthehet përsëri te Partizani

6 Maj 2021, 09:31, Sport CNA

Alesio Hyseni mbyll pa pritur fundin e kampionatit aventurën e tij në radhët e Bylisit. Mesfushori i huazuar nga Partizani te ballshiotët, ka ndërprerë marrëveshjen e tij me klubin dhe është kthyer në kryeqytet, duke preferuar që në javët e mbetura të stërvitet nën urdhrat e Ilir Dajës.

Hyseni kaloi në radhët e Bylisit pasi rrugëtimin e kundërt te Partizani në janar e bënë Valentino Murataj dhe Donald Mëllugja dhe për të nuk do të kishte hapësira te kryeqytetasit. Me transferimin në Ballsh ai shpresonte të kthehej në një titullar të rregullt nën urdhrat e Vejlko Dovedan.

Por ai luajti vetëm pak minuta në dy ndeshje me skuadrën ballshiote e më pas kaloi shumë kohë në pankinë, duke mos dhënë kontributin e tij në fushë. Kjo e shtyu 24-vjeçarin të kërkonte dhe të siguronte mbylljen para kohe të huazimit të tij, në pritje të mbylljes së edicionit ku do të vendoset nëse Hyseni do të mbetet pjesë e Partizanit apo nëse do të kërkojë një aventurë tjetër.





Lajmet e fundit nga