web counter
LEXO PA REKLAMA!

SHKARKO APP

App Store
Google Play

Selitë e partive fillojnë festën/ Kikia i pret entuziazmin

25 Prill 2021, 20:48, Politikë CNA

Gazetari Mentor Kikia ka ironizuar kryetarët e partive politike, të cilët kanë deklaruar në daljet e tyre se janë fitues të zgjedhjeve.

Kikia thotë se nuk mundet të ketë festë në asnjë seli partie, kur ende nuk kemi një rezultat të qartë të zgjedhjeve, pasi nuk ka filluar akoma numërimi masiv.

Ai deklaron se si fillim duhet të përmbyllet me qetësi procesi i numërimit dhe festa të mbetet për nesër nga partia që do fitojë.

?Deri tani asnjë parti nuk ka fituar, por të gjithë ama kemi fituar

Nuk mundet të ketë festë në asnjë seli partie, kur ende nuk është hapur asnjë kuti votimi për të nisur numërimi.

Nuk duhet te këtë festë as kur të jetë numëruar kutia e parë, apo qendra e parë.

Sot ka vetëm një arsye për të festuar: U zhvillua një proces i qetë. Pyetjet e rëndomta të spikerave për gazetarët në terren “A ka patur incidente deri tani?”, morën përgjigjet masive: ?JO?.

Të përmbyllim një proces deri në fund, në këtë frymë. Të sigurojmë një standard më në fund, që të bëjmë zgjedhje normale.

Nesër, kush fiton të festojë!?, shkruan gazetari në rrjetet sociale./ CNA.al





Lajmet e fundit nga