web counter
LEXO PA REKLAMA!

SHKARKO APP

App Store
Google Play

E fundit!

x

SKANDAL/ Zgjedhet në KOKSH, lihen jashtë FSHF dhe 22 Federata të tjera

8 Prill 2021, 15:25, Sport CNA

Komiteti Olimpik Kombëtar Shqiptar mban zgjedhjet për Presidentin e ri me datën 17 prill. Gjërat duken normale deri këtu, por jo edhe aq gjatë, pasi çudia vjen nga Komisioni i Organizimit të këtij procesi.

Edhe  pse Federata Shqiptare e Futbollit, Peshëngritjes dhe Atletikës  kanë të drejtën e votës, ata e kanë të pamundur të shprehin vullnetin e tyre.

Vlen të theksojmë se nuk janë vetëm Federatat e sipërpërmendura, pasi kanë mbetur jashtë edhe shumë të tjera. Diçka e çuditshme kjo, e aspak normale në një vend ku të gjithë duhet të jenë të barabartë.

Përjashtimi i Federatës  Shqiptare të Futbollit lë një shije të hidhur, tejet të hidhur. Kjo bën që zgjedhjet që vijnë të mos prodhojnë 100% atë çfarë duhet, me FSHF-në që ka dhënë përherë kontributin që duhet.

Çuditë nuk mbarojnë me kaq, pasi kandidat për President janë vetëm 2, Fidel Ylli dhe Martin Biba. Mundësia për të pasur më shumë alternativa natyrisht do linte më shumë hapësirë për zgjedhjen, por si duket bëhet fjalë për vetëm 2 kandidat.

Komiteti Olimpik Kombëtar Shqiptar ka kohë që nuk po kalon ditë të mira, me problemet që kanë qënë të shumta. Zgjedhjet po afrojnë, me shpresën gjërat do të rregullohen.





Lajmet e fundit nga