web counter
LEXO PA REKLAMA!

SHKARKO APP

App Store
Google Play

E fundit!

x

Bilanci i COVID-19 në botë/ Mbi 2.8 milionë persona kanë ndërruar jetë

31 Mars 2021, 08:46, Aktualitet CNA

Shifrat e të infektuarve me Covid-19 vazhdojnë të rriten dhe të mbeten shqetësuese për të gjithë botën. Nga nisja e pandemisë në Janar të vitit 2020 dhe deri më tani numri total që kanë humbur jetën ka shkuar në  2,817,416 persona.

Rasti i të infektuarve vazhdon të rritet duke shkuar në 128,850,007 persona, ndërkohë sipas Worldometers 103,996,045 njerëz e kanë fituar betejën me sëmundjen.

Shtetet e Bashkuara renditen të parat me numrin më të lartë të infektimeve ku numri në total i të infektuarve është mbi 30 milionë. Ndërsa kanë humbur jetën mbi 564,138 njerëz dhe janë shëruar 23,586,796 persona.

Brazili renditet i dyti ku në total janë 12,664,058 persona të infektuar, ndërkohë numri në total i vdekjeve është 317,936.

Situata është problematike dhe në Evropë ku vende si Franca, Spanja, Gjermania, Greqi dhe Italia janë në izolim.

Në Shqipëri rezultojnë 124,723 të infektuar, numri i vdekjeve është 2,227 dhe numri i të shëruarve ka shkuar në 90,617 persona.

Kujtojmë se në Shkurt të 2021 në Shqipëri  mbërritën 1170 vaksinat e para nga kompania Pfizer. Më pas erdhën edhe vaksina të tjera nga Astra Zeneca, Sinovax, vaksinat Ruse dhe së fundmi kanë ardhur vaksinat Kineze.

Përpara pak ditësh në Shqipëri ka nisur edhe vaksinimi masiv ku janë vaksinuar 50 mijë persona./ CNA.al





Lajmet e fundit nga