web counter
LEXO PA REKLAMA!

SHKARKO APP

App Store
Google Play

E fundit!

x

Thirrja për Vorio Epiriotin/ PDIU: Heshtja e Ramës provokon

27 Mars 2021, 15:28, Aktualitet CNA

Partia Drejtësi Integrim dhe Unitet ka reaguar ndaj thirrjeve të drejtuara për Vorio- Epirin në paradën ushtarake në Greqi duke e cilësuar heshtjen e kryeministrit, Edi Rama si provokim.

Përmes një deklarate, PDIU thekson se pretendimet e Ramës për marrëdhënie të mira me Greqinë nuk janë aspak të vërteta.

?Gjatë paradës ushtarake të organizuar me rastin e festën kombëtare të Greqisë, u dëgjuan thirrje për Vorio-Epirin për të cilat shteti shqiptar ende nuk ka reaguar. Në një kohë kur kryeministri në ikje i Shqipërisë, Edi Rama, pretendon se kemi marrëdhënie të mira me Greqinë dhe se po punojnë për t?i dhënë zgjidhje problemeve shumëvjeçare, në këtë shtet fqinj vazhdojnë provokimet e rënda dhe rikthimi i fantazmave të vjetra të pretendimeve territoriale?- ka shkruar PDIU .

Sipas kësaj partie,  këto thirrje janë fyerje për popullin shqiptar dhe duhet të ketë reagime nga institucionet tona.

?Këto fyerje duhet të ngjallnin reagimin e menjëhershëm të institucioneve të shtetit shqiptar dhe të trajtohen me seriozitet edhe në Bruksel, në kuadër të Aleancës së Atlantikut Verior. Mirëpo Z. Rama është duke heshtur dhe heshtja në këtë rast do të thotë aprovim. Ato thirrje fyejnë popullin shqiptar dhe përbëjnë pretendime të hapura territoriale që janë të papranueshme në kushtet kur dy shtetet tona janë tashmë aleatë në kuadër të NATO-s?- ka shkruar PDIU.

PDIU në deklaratën e saj i bën thirrje Ministres së Jashtme Olta Xhaçka, që të ndërpresë fushatën ku është tërësisht e fokusuar, dhe të kthehet në zyrë për të bërë sadopak detyrën e drejtimit të diplomacisë shqiptare.

?Kjo ngjarje e ripërsëritur, shërben gjithashtu si dëshmi që me qeverisjen deritanishme të kryeministrit Rama, Republika e Shqipërisë do të sillet vetëm si inferiore dhe e nënshtruar ndaj Greqisë. Prandaj me këtë qeveri jo vetëm që nuk do të mund të kemi një avancim të çështjes çame, por do të kemi një tolerim dhe inkurajim të mëtejshëm të orekseve shoviniste të qarqeve ekstremiste në Athinë?- ka shkruar PDIU./ CNA.al





Lajmet e fundit nga