web counter
LEXO PA REKLAMA!

SHKARKO APP

App Store
Google Play

Me tifozë ndaj Anglisë, FSHF bën kërkesë zyrtare për të lejuar 6500 persona në “Air Albania”

11 Mars 2021, 07:21, Sport CNA

Federata Shqiptare e Futbollit ka kërkuar sot zyrtarisht nga shteti shqiptar që të mundësojë hapjen e stadiumit ?Air Albania? pjesërisht për zhvillimin e ndeshjes së Kombëtares ndaj Anglisë me praninë e tifozëve. Edhe pse FSHF prej kohësh nuk ka arritur të bindë shtetin shqiptar që të lejojë praninë e tifozëve në stadiume për ndeshjet e kampionatit shqiptar, institucioni i futbollit shpreson që t?i ndryshojë mendje sa i përket ndeshjes në fjalë, si pjesë e kualifikueseve të Botërorit 2022.

Në një shkresë drejtuar Ministrisë së Shëndetësisë dhe Komisionit të Ekspertëve që harton masat anti-COVID në vendin tonë, FSHF i ka bërë kërkesë zyrtare organeve përkatëse shtetërore që të shqyrtojnë dhe miratojnë kërkesën për të pasur 6500 persona në shkallët e stadiumit ?Air Albania? për duelin e 28 marsit, sa 30% e kapacitetit të këtij stadiumi.

Edhe pse në kontinent pjesa më e madhë e ndeshjeve të përfaqësueseve do të luhen pa praninë e spektatorëve, në institucionin e futbollit janë të bindur se do të mund të bindin Ministrinë që të hapë dritën e gjelbër dhe prej ditësh ka nisur puna për hartimin e një plani të mirëfilltë për të mundësuar zhvillimin e sfidës me spektatorë të cilët do të jenë të shpërndarë në shkallaret e impiantit në një ndeshje që sigurisht do të merrte një pamje tjetër me praninë e tifozëve në shkallare. FSHF njëkohësisht kërkon të përfitojë disi financiarisht nga kjo ndeshje, duke pasur parasysh kërkesën e lartë për këtë duel dhe çmimet e kripura që do t?u vendosë biletave për këtë ndeshje.





Lajmet e fundit nga