web counter
LEXO PA REKLAMA!

SHKARKO APP

App Store
Google Play

E fundit!

x

Flet babai i Santiago Malkos/ Mohon të ketë pasur dijeni për konfliktet e të birit

17 Shkurt 2021, 11:42, Kronika CNA

Zbardhet dëshmia e babait të Santiago Malkos të dhënë para trupës gjykuese në procesin gjyqësor kundër Blendi Tetës dhe 7 personave të tjerë.

Burime për Euronews Albania bëjnë me dije se babai i 27-vjeçarit ka thënë që lajmin për vrasjen e të birit e ka mësuar nga televizioni, gjithashtu në momentin kur ka vajtur në vendin e ngjarjes nuk ka pasur asnjë postbllok policie.

Ai ka theksuar se nuk ka pasur dijeni që djali i tij të ketë pasur konflikte me ndonjë person dhe se nuk njeh asnjë nga personat e dyshuar për ngjarjen e rëndë.

Po i njëjti burim thotë për Euronews Albania se në seancë nuk u paraqit bashkëshortja e viktimës, Dea Malko.

Sipas policisë bashkëshortja e ish-punonjësit të policisë është larguar jashtë vendit.

Ish-polici u ekzekutua me breshëri automatiku më 17 gusht të vitit 2019, teksa lëvizte me makinë në zonën e ‘Xhamllikut’ në kryeqytet.

Ndërkohë, në kërkim për këtë çështje janë Leonard Duka, 33 vjeç; Erlis Duka, 29 vjeç; Oltian Loga, 38 vjeç; Dritan Agaj, 38 vjeç; Fatmir Hyseni Musai, 42 vjeç,  Aleksdandër Maxhaku, 37 vjeç dhe Xhoni Nica, 24 vjeç.

Ndërsa, Blendi Teta është arrestuar./CNA.al





Lajmet e fundit nga