web counter
LEXO PA REKLAMA!

SHKARKO APP

App Store
Google Play

E fundit!

x

Vidal shfryn ndaj Kontes, ja çfarë i tha trajnerit në momentin e zëvendësimit

3 Shkurt 2021, 10:46, Sport CNA

Për Interin kartonët peshuan në gjysmëfinalen e djeshme, ku si rrjedhojë e ndëshkimeve mungonin dy titullarë të padiskutueshëm si sulmuesi Romelu Lukaku dhe anësori i mesfushës, Ashraf Hakimi, por edhe në duelin e radhës, më 9 shkurt, në ?Allianz Arena?, do të ketë sërish dy mungesa të tjera, po aq të rëndësishme.

I pari do të jetë sulmuesi Aleks Sançez, i cili u ndëshkuan në sekondat finale, për një faull të ashpër ndaj Kiezës, ndërsa tjetri do të jetë Artur Vidal, i cili ndërhyu rrezikshëm nga prapa, në dëm të Kristiano Ronaldos. Gjithsesi, më shumë sesa kartoni, duket se mesfushorin kilian e acaroi trajneri i tij.

Në momentin kur Antonio Konte vendosi që ta thërrasë në stol Vidalin, ky i fundit jo vetëm që nuk zgjodhi të kryente zëvendësimin në mesin e fushës, por duke dalë nga vijat fundore të terrenit të lojës. ?Luftëtari?, i cili nuk është nga ata që e ka shumë qejf ta shohë veten në pankinë, i la vendin Kristian Eriksenit në minutën e 72-të, por kamerat që po shoqëronin Arturo Vidalin, dukshëm të irrituar për barazimin, ndoshta duke ditur edhe faktin se nuk do të luante ndeshjen e kthimit ndaj skuadrës së tij, kapën shumë qartë edhe fjalët e shprehura nga 33-vjeçari. ?Gjithmonë 22, gjithmonë dhe vetëm 22-shi (numri i tij i fanellës)?.

Arturo Vidal, i cili në kampionat i hapi rrugën suksesit ndaj Juventusit, me golin e ish-it që zhbllokoi ndeshjen, jo vetëm që u pa shumë nervoz, por ai shmangu si trajnerin Konte kur iu afrua stolit, ashtu sikurse shokëve të tij të skuadrës, duke u ulur në cepin më të largët të pankinës dhe duke mos takuar asnjë. Ndoshta, zëvendësimet për kilianin nga ana e trajnerit të tij duket sikur janë më të shpeshta seç duhen?





Lajmet e fundit nga