web counter
LEXO PA REKLAMA!

SHKARKO APP

App Store
Google Play

E fundit!

x

Pse do të tërhiqej Google nga Australia?

23 Janar 2021, 14:03, Tech CNA

Google ka kërcënuar se do të heqë shëribmet e tij nga Australia, nëse nuk ndryshon ligjin e ri që rregullon marrëdhëniet e tij me botuesit e lajmeve.

Pse Google do të tërhiqej nga Australia?

Qeveria është duke futur një ligj që konsiston në atë që gjigandët e teknologjisë duhet të paguajnë për lajmet që shfaqen në kërkim ose që ndahen në platformat e tyre. Ligji i propozuar do të urdhërojë që Google të ketë marrëveshje tregtare me çdo organizatë të lajmeve ose të hyjë në një arbitrim të detyruar, diçka që Google thotë se është “e pazbatueshme”.

“Nëse ky version i kodit do të bëhej ligj, nuk do të na jepte zgjidhje tjetër përveçse të ndalojmë së kërkuari Google në Australi,” tha drejtori rajonal, Mel Silva. Kryeministri Australian Scott Morrison i tha Google: “Ne nuk u përgjigjemi kërcënimeve”.

Cilat janë alternativat?

Google ka rreth 90-95% të pjesës së tregut të motorëve të kërkimit në Australi e ngjashme me pjesën tjetër të botës. Por ekzistojnë mundësi të tjera për kërkim kryesisht Microsoft Bing dhe Yahoo , por edhe ato të fokusuara në privatësi si DuckDuckGo .

Por ndërsa firma e analizave të faqeve Alexa e rendit Google si faqja më e vizituar në internet , Yahoo qëndron në vendin e 11-të dhe Bing në vendin e 33-të.

A do të ndikonte vërtet zhdukja e Google tek përdoruesit?

Në vitin 2018, një shkrimtar për revistën Wired kaloi tre muaj duke përdorur ekskluzivisht Bing dhe arriti në përfundimin se funksionoi mirë pothuajse gjithë kohën. Por në raste shumë specifike të tilla si gjetja e artikujve të vjetër ai luftoi, sepse teknikat që mësoi për kërkim duke përdorur Google nuk dhanë rezultatet e pritura. Dhe Google nuk është vetëm një motor kërkimi teknologjia e tij e kërkimit gjithashtu fuqizon shërbime të tilla si Gmail, Google Maps dhe YouTube, ndër të tjera.

Është e paqartë në këtë fazë nëse kërcënimi i Google  nëse zbatohet  do të ndikonte në ato aplikacione të tjera. Alternativat për këto ekzistojnë, por janë pak të përdorura dhe aplikacionet e Google shihen si thelbësore nga shumë konsumatorë. Kur telefonat Huawei humbën aksesin në shërbimet e Google mes një grindjeje me rregullatorët amerikanë, ata e patën shumë më të vështirë të shisnin telefona në Perëndim./ CNA.al

Marrë nga BBC





Lajmet e fundit nga