web counter
LEXO PA REKLAMA!

SHKARKO APP

E fundit!

x

Gruaja “i bën gropën” 43-vjeçarit/ Policia gjen vendndodhjen e të shumëkërkuarit nga fotot në Facebook

15 Janar 2021, 19:09, Kronika CNA

Policia e Vlorës ka arrestuar një person të shpallur në kërkim ndërkombëtar nga Italia, si pjesë e një rrjeti të gjerë të trafikut të narkotikëve.

Bëhet fjalë për 43-vjeçarin Shaqir Kalaj, i cili ishte në kërkim që prej 10 vitesh.

Gjetja e vendndodhjes së tij u zbulua nga bashkëshortja e Kalajt, e cila kishte publikuar foto në rrjetin social Facebook me të, pa e ditur se do e fundoste.

Konkretisht 43-vjeçari u kap në Itali në vitin 2007 nga operacioni i koduar ?Non plus ultra?, ku u godit një organizatë shqiptare që merrej me trafikun e drogës dhe nga ku u arrestuan 69 persona dhe u kap rreth 10 kilogramë drogë.

Kalaj, i cili jetonte në Bolonja, bëri 4 vite burg dhe në 2011-ën u la në arrest shtëpie, por ai e theu masën dhe u arratis.

Muajin e kaluar autoritetet italiane përfunduan hetimet dhe  Kalaj u dënua me 10 vjet e tetë muaj, ndërsa u evidentua se shqiptari kishte kryer disa transaksione financiare në një agjenci në periferi të Vlorës.

Gjithashtu u zbulua se 43-vjeçari përdorte dy llogari në Facebook, duke zbuluar edhe vendodhjen e tij. Autoritetet italiane trasmetuan të gjithë dosjen te autoritetet shqiptare, nga ku më pas u bë i mundur arrestimi i Shaqir Kalajt./ CNA.al





Lajmet e fundit nga