web counter
LEXO PA REKLAMA!

SHKARKO APP

App Store
Google Play

E fundit!

x

Protestat e dhunshme në SHBA/ Patozi: Pas Amerikës vjen zoti

7 Janar 2021, 12:53, Politikë CNA

Koordinatori i Bindjes Demokratike, Astrit Patozi ka reaguar lidhur me protestat e djeshme në SHBA.

Sipas Patozit, ne jemi shumë të vegjël dhe ndoshta të fundit që mund të flasim apo të shpjegojmë ngjarjet e djeshme në Uashington.

Patozi shkruan se sa herë që ka ndonjë hall të madh me demokracinë në botë, të gjithë kthejnë sytë nga Amerika, por kur i ndodh asaj vetë, të gjithë duhet të ndjehen të trembur më pak të mbrojtur dhe më të pasigurt se më përpara.

?PAS AMERIKËS VJEN ZOTI
Ne jemi shumë të vegjël dhe ndoshta të fundit, që mund të flasim apo të shpjegojmë ngjarjet e djeshme shokuese në Uashington. Për vetë historinë, peshën, por ndoshta më shumë për shkak të problemeve tona ciklike me lirinë dhe shtetin e së drejtës në 30 vjetët e fundit. Sepse sa herë që ka ndonjë hall të madh me demokracinë në botë, të gjithë kthejnë sytë nga Amerika, duke e konsideruar atë si pikën fundore, prej ku mund të kërkohet dhe gjendet zgjidhja. Por kur i ndodh asaj vetë, të gjithë duhet të ndjehen të lënduar, të trembur më pak të mbrojtur dhe më të pasigurt se më përpara. Se përtej saj nuk mund të presësh gjë tjetër. Pas Amerikës vjen vetëm Zoti. Dhe ndoshta pse është kështu, prej andej do të vijë shpejt edhe shërimi?, shkruan Patozi./CNA.al





Lajmet e fundit nga