web counter
LEXO PA REKLAMA!

SHKARKO APP

App Store
Google Play

Zvicra në prag kolapsi/ Ezaurohen shtretërit në kujdesin intensiv

18 Nëntor 2020, 13:51, Kosova & Bota CNA

Zvicra ka ezauruar të gjithë shtretërit e kujdesit intensiv për shkak të urgjencës Covid-19.

Shoqata Zvicerane e Mjekësisë Intensive raporton në faqen e saj të internetit se janë mbushur 876 shtretërit e terapisë intensive.

Kirurgu i Përgjithshëm i Forcave të Armatosura Zvicerane, Andreas Stettbacher, njoftoi se falë ndërhyrjes së ushtrisë, vendet në kujdesin intensiv në Zvicër janë rritur në 1,100, por kapaciteti është tashmë në 80%.

Zvicra ishte prekur pak nga vala e parë e Covid por gjatë valës së dytë ajo tejkaloi në mënyrë të përsëritur pragun e 10 mijë infeksioneve ditore në një popullsi prej 8.5 milion banorë.

Kufizimet e vendosura nga qeveria, me mbylljen e restoranteve dhe aktiviteteve jo thelbësore në disa zona, kanë çuar megjithatë në një ngadalësim të infeksioneve, të cilat sot arritën në 6,000 në 24 orë me 84 vdekje. Që nga fillimi i pandemisë, Zvicra ka regjistruar 280,000 raste të konfirmuara të Covid-19 dhe 3,377 vdekje.

6,114 infeksione të reja me koronavirus janë konfirmuar në Zvicër dhe Lihtenshtajn në 24 orët e fundit (280. 648 në total)./Përshtatur nga CNA.al

Burimi: https://www.rainews.it/dl/rainews/articoli/covid-svizzera-esauriti-i-posti-in-terapia-intensiva-d48151b0-6225-4227-a4d4-0dda7a8fd178.html?refresh_ce





Lajmet e fundit nga