E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

Eurodeputeti gjerman kundër Ramës/ Ndryshimet e njëanshme në Kodin Zgjedhor thellojnë më tej “klimën e mosbesimit”

28 Tetor 2020, 19:24, Politikë CNA

Eurodeputeti i Gjermanisë në Parlamentin Europian, David McAllister, ka shprehur ?shqetësim të thellë? mbi vendimin për të votuar në Kuvend ditën e nesërme ndryshimet në Kodin Zgjedhor, pavarësisht thirrjeve nga faktorët kombëtar e ndërkombëtar për të pritur opinionin e Komisionit të Venecias.

Sipas McAllister, ndryshimet e njëanshme mund të thellojnë më tej ?klimën e mosbesimit? dhe ?polarizimin? në rrugën drejt zgjedhjeve parlamentare në Shqipëri që pritet të mbahen më 25 prill 2021. Gjithashtu, eurodeputeti gjerman theksoi se votimi në parlament i këtyre ndryshimeve do të ishte po ashtu ?jo produktiv? në përpjekjet e bëra deri më tani për të pasur Konferencën e parë Ndërqeveritare në fund të vitit.

Më 23 tetor, Presidenti i Republikës Ilir Meta ka kthyer për rishqyrtim ndryshimet e Kodit Zgjedhor nga shumica socialiste, ndërkohë që i ka kërkuar opinion ligjor Komisionit të Venecias duke argumentuar se ndryshimet janë bërë ?në mënyrë të njëanshme?, ?krijon pozita të pabarabarta dhe diskriminuese?, ?cenon parimet themelore të demokracisë? dhe ?dëmton rëndë klimën e bashkëpunimit mes forcave politike?.

Nga ana tjetër Kryeministri Edi Rama është shprehur se shumica socialiste do t?i rivotojë ?pa humbur asnjë ditë? ndryshimet në Kodin Zgjedhor.

?Parlamenti do të rishprehet pa humbur asnjë ditë! Ky President i angazhuar si një ekstremist kundër parlamentit dhe qeverisë, s?merr dot peng nga askënd dhe asgjë përveç institucionit që fatkeqësisht ka marrë peng! Opinioni i Venecias mirë se të vijë kur të vijë, por koha për këto zgjedhje s?pret asnjë ditë jashtë procedurave,? ? tha kryeministri ditën e hënë.

Ditën e djeshme Komisioni i Venecias ka pranuar ftesën e Presidentit Meta dhe ka konfirmuar se do të shprehet mbi Kodin Zgjedhor, por ka refuzuar që kjo të bëhet me procedurë të përshpejtuar, sipas kërkesës së kreut të shtetit./euronews