web counter
LEXO PA REKLAMA!

SHKARKO APP

App Store
Google Play

E quanin veten “Shqiptarët e Ferrit”/ Shkatërrohet banda e rrezikshme e të miturve në Itali

11 Tetor 2020, 19:48, Kronika CNA

Shkatërrohet banda e rrezikshme e të rinjve shqiptarë në Itali.

Ata e quajnë veten ‘Shqiptarët e Ferrit”, ose siç quhet ndryshe “Hellbanianz” dhe janë një grup prej të paktën 18 të rinjsh, 13 prej të cilëve ishin të mitur, të cilët kishin formuar një bandë të vërtetë në Genova, në Itali.

Meqenëse shumica e tyre kanë origjinë shqiptare, prej këtu rrjedh edhe emri i bandës.

Sipas mediave italiane, një ditë më parë, policët në fund të një hetimi kryen 16 kontrolle shtëpish dhe arrestuan 3 nga djemtë e akuzuar për krime. Hetimi filloi pas një sulmi kundër dy të miturve që zbuloi ekzistencën të një grupi të rinjsh të cilët, për të pohuar epërsinë e tyre mbi fëmijët e tjerë, ishin përgjegjës për një kohë të gjatë të krimeve kundër bashkëmoshatarëve.

Bëhet me dije se ky grup kishte bërë grabitje, vjedhje, zhvatje, sulme, plagosje, rrahje dhe ngacmime si dhe të tjera. Të rinjtë mburreshin nëpër rrjetet sociale për krimet e tyre, duke postuar video dhe foto të sulmeve të tyre./CNA.al





Lajmet e fundit nga