web counter
LEXO PA REKLAMA!

SHKARKO APP

App Store
Google Play

E fundit!

x

Përgjim i paligjshëm, ndërhyrje në rrjete kompjuterike/ Prangoset 45-vjeçari, çfarë iu gjet në banesë

10 Tetor 2020, 07:37, Kronika CNA

Policia e Shtetit bën të ditur se ka vënë në pranga një 45-vjeçar, i cili dyshohet për veprat penale ?Përgjimi i paligjshëm i të dhënave kompjuterike?, ?Ndërhyrja në sistemet kompjuterike?, ?Ndërhyrja në të dhënat kompjuterike?, si dhe ?Keqpërdorimi i pajisjeve?.

Mësohet se gjatë kontrollit të ushtruar në banesën e B.P, 45 vjeç, janë sekuestruar  4 telefona celularë, një USB, 3 dokumente udhëtimi, 10 karta sim dhe dokumente të tjera të ndryshme.

Materiali hetimor i administruar nga ?Njësia e hetimit të krimeve kibernetike? kishte të bënte me dyshime të arsyeshme se ky shtetas, nëpërmjet veprimeve të ndryshme, kryente komunikime nëpërmjet një aplikacioni mesazhimi në rrjet, të cilin e përdorte duke e lidhur me numrat e telefonave celular të shtetasve të tjerë.

Pas këtij veprimi, ky shtetas siguronte kodin e verifikimit të aplikacionit në forma të ndryshme nga këta shtetas, duke vënë në funksionim aplikacionin në aparatet e tij kompjuterike.

Aktualisht po punohet për zbardhjen e plotë të këtij aktiviteti kriminal dhe personat që mund të jenë të lidhur me këtë shtetas.

Materialet hetimore i kaluan Prokurorisë Pranë Gjykatës së Shkallës së Parë Tiranë, për vazhdimin e veprimeve të mëtejshme hetimore dhe procedurale





Lajmet e fundit nga