web counter
LEXO PA REKLAMA!

SHKARKO APP

App Store
Google Play

E fundit!

x

Koas te Vllaznia/ Rasti i katërt me koronavirus, i gjithë ekipi drejt izolimit

9 Tetor 2020, 08:23, Sport CNA

Kontroll total te Vllaznia pas rasteve pozitive me Koronavirus. Sikur të mos mjaftonte infektimi i mbrojtësve Erdenis Gurishta dhe Eni Imami, por gjithashtu edhe zv.trajnerit Elvis Plori, dje shkodranët kanë marrë një tjetër lajm jo të mirë. Një tjetër lojtar i kuqebluve ka rezultuar pozitiv pas testit të bërë dy ditë më parë. ?Panorama Sport? zbulon nga burime të sigurta në klub se përgjigjja e tamponit për mesfushorin Uheid Hoxha ka qenë pozitive. Menjëherë lojtari 20- vjeçar është karantinuar në banesën e tij.

Mësohet se ai ka pasur simptoma të lehta dhe jo ndonjë shqetësim serioz sa i përket gjendjes shëndetësore. Mesfushori bëhet tashmë lojtari i tretë i konfirmuar pozitiv në radhët e Vllaznisë, ndërsa gjatë ditës së djeshme, krahas lajmit për infektimin e Hoxhës, ka pasur edhe një konfirmim sa i përket Behar Ramadanit.

Ky i fundit i ishte nënshtruar gjithashtu testit të martën dhe të enjten ka ardhur përgjigjja e tamponit, e cila ka qenë negative, duke qetësuar në këtë mënyrë 30- vjeçarin shkodran. Ndërkohë, futbollisti tjetër që ka shfaqur probleme shëndetësore dhe menjëherë është karantinuar, moldavi Eugenio Sidorenko, pret gjithashtu të mësojë nëse ka rezultuar pozitiv ose negativ. Burime pranë autoriteteve shëndetësore treguan dje se pas përgjigjes së testit të mesfushorit moldav, do të përcaktohet në njëfarë mënyre edhe shkalla e përhapjes së virusit te kuqeblutë.

Gazeta zbulon se autoritetet shëndetësore, duke parë situatën jo të mirë dhe frikën e përhapjes në masë të virusit, u kanë bërë dje testet të gjithë lojtarëve dhe pjesëtarëve të stafit. E enjtja paradite ka qenë e ngjeshur sa u përket kontrolleve dhe kësisoj deri në fundjavë tashmë do të jetë një konkluzion i qartë për 25 futbollistë dhe 8 pjesëtarë të stafit. Shpresohet që gjithçka të shkojë mirë, në të kundërt skuadra rrezikon e gjitha të futet në karantinë nëse ka të tjerë të infektuar.





Lajmet e fundit nga