Pezullimi i kryetarit të OFL/ Shoqata e Punonjësve në Lirim zbulon çfarë fshihet pas akuzave

28 Shtator 2020, 16:06, Aktualitet CNA

Ditën e sotme u pezullua nga detyra Artan Shkëmbi, drejtor në Drejtorinë Qendrore, në departamentin e Policisë Kriminale në Drejtorinë e Përgjithshme të Policisë së Shtetit.

GJKKO e pezulloi Shkëmbin pasi mbi të rëndon akuza e korrupsionit dhe nxjerrjes së sekretit hetimor, ndërsa menjëherë në vendin e tij u komandua Hekuran Bregu.

Lidhur me këtë ka ardhur edhe reagimi i Shoqatës së Punonjësve të Policisë në Lirim, e cila e quan OFL-në një spektakël dhe propagandë politike të kryeministrit Edi Rama.

Sipas Shoqatës, akuzat e ngritura ndaj Shkëmbit, nxjerrin zbuluar planin fasadë si dhe spektaklin politik të qeverisë me ngritjen e kësaj Task Force, si dhe vënë në pikëpyetje edhe seriozitetin e organeve të reja të drejtësisë.

?OFL një spektakël dhe propagandë politike e Ramës

Akuzat e ngritura nga Ndërkombëtarët ndaj kreut të OFL-së Artan Shkëmbi për nxjerrje të sekretit hetimor dhe korrupsion me rrjedhojë pezullimin e tij nga detyra, nxjerrë zbuluar planin fasadë si dhe spektaklin politik të qeverisë me ngritjen e kësaj Task Force. Jo vetëm kaq, por vë në pikëpyetje edhe seriozitetin e organeve të reja të drejtësisë, se si një figurë e tillë arriti të kaloj shkallët e vettingut?!

Ngritja e strukturave të SPAK dhe Byrosë Kombëtare të Hetimit ishte një shans real për Shqipërinë për të luftuar krimin e organizuar dhe korrupsionin. Por kjo luftë kërkon profesionalizëm dhe paanshmëri politike.

Zhgënjimi dhe humbja e besimit publik nisi që në krye të herës me personat me të shkuar politike të ngarkuar të cilët do të përbënin e drejtonin këto institucione kaq të rëndësishme për të hapur një kapitull të ri të shtetit të së drejtës.

Falë ndërkombëtarëve këto dyshime filluan të vërtetohen duke nxjerrë zbuluar politizimin e këtyre organeve, vendimeve të njëanshme dhe pastrimin e figurave me anë të vettingut si kjo e Artan Shkëmbit. Vullneti politik i Ramës dhe i kësaj qeverie për drejtësi është thjesht një iluzion. Plani i tij është vetëm një: Kapja e ?drejtësisë? së re?, thuhet në deklaratë./ CNA.al

Pezullohet nga detyra Artan Shkëmbi, kreu i task forcës ?Forca e Ligjit?

Shkarkimi i Artan Shkëmbit/ Komandohet kreu i ri i OFL-së