web counter
LEXO PA REKLAMA!

SHKARKO APP

App Store
Google Play

Dy vetëvrasje në Spitalin Covid 2/ Erion Dasho del me reagimin e fortë

3 Shtator 2020, 15:35, Lifestyle CNA

Eksperti i Shëndetit Publik Erion Dasho, ka reaguar përmes një postimi në rrjetet sociale, lidhur me ngjarjen e mbëmjes së djeshme në spitalin Covid 2 ku një pacient i dha fund jetës duke u hedhur nga kati i katërt, rasti i dytë në pak javë.

Duke bërë një paralelizëm me kulmin e pandemisë në Itali, Dasho shkruan se dhe kur arriti që një respirator të përdorej për dy pacientë, përsëri gendej një orë në ditë ku një tablet apo celular qarkullonte në pavion me qëllim që pacientët të komunikonin me të afërmit.

Sipas Dashos, nuk ka asnjë arsye për të mos organizuar biseda të paktën një herë në ditë midis pacientëve dhe familjarëve, pasi kjo ndikon edhe në përmirësimin e shëndetit mendor të pacientëve dhe kontribon direkt në shërimin e tyre nga Covid.

?Në kulmin e epidemisë së COVID në Itali kur arriti që një respirator të përdorej për dy pacientë, përsëri gendej një orë në ditë ku një tablet apo celular qarkullonte në pavion me qëllim që pacientët të komunikonin me të afërmit. Edhe për pacientët në prag të vdekjes, të cilët ende mund të komunikonin, realizohej biseda e lamtumirës.

Në se numrat që jepen zyrtarisht janë realë dhe nuk ka manipulim të dhënash, situata në spitalet COVID 1 dhe 2 është shumë më e qetë krahasuar me spitalet italiane në mars dhe në prill.

Nuk ka asnjë arsye për të mos organizuar biseda të paktën një herë në ditë midis pacientëve dhe familjarëve. Kjo i shërben përmirësimit të shëndetit mendor të pacientëve dhe kontribon direkt në shërimin e tyre nga COVID.

Duke shpresuar që kjo këshillë nuk do të bjerë në vesh të shurdhër, uroj që të mos dëgjojmë më situata fatkeqe si dy vetëvrasjet në COVID-2./CNA.al





Lajmet e fundit nga