web counter
LEXO PA REKLAMA!

SHKARKO APP

Suso po fitonte Europa Leaguen ndaj Interit, hajdutët iu futën në shtëpi

23 Gusht 2020, 07:51, Sport CNA

Teksa Sevilja po mundte Interin 3-2 në finalen e Europa Ligës, hajdutët janë përpjekur të grabisin shtëpinë e Susos.

Sipas spanjolles ?Marca?, incidenti ndodhi gjatë finales së djeshme (22 gusht), e cila u luajt në Gjermani me dyer të mbyllura.

Dy persona janë përpjekur të futen nga oborri i pasëm, por gruaja e Susos, Alisia ka qenë duke parë ndeshjen së bashku me dy fëmijët e saj.

Ajo ka dëgjuar zhurma dhe ka ndezur dritat e oborrit, ku më pas ka dalluar grabitësit tek kamerat e sigurisë.

Hajdutët nuk ia arritën qëllimit të tyre të grabisnin shtëpinë e lojtarit të Seviljas Susos, i cili ka luajtur në të kaluarën edhe me Milanin.





Lajmet e fundit nga