web counter
LEXO PA REKLAMA!

SHKARKO APP

App Store
Google Play

E fundit!

x

Batha sfidon serbët: Jemi gati për një tjetër fitore

21 Gusht 2020, 07:20, Sport CNA

Idriz Batha në Tbilisi ishte kapiteni i skuadrës në fushën e lojës. Në një intervistë për ?Panorama Sport?, mesfushori flet për atë që ndodhi në Tbilisi dhe çfarë e pret në Tiranë skuadrën bardheblu të martën e ardhshme.

Thotë se Zvezda është favorite në sfidën me Tiranën, por në futboll nuk fiton gjithmonë më i forti. Për ata që nuk e dinë, gjirokastriti kishte shiritin e kapitenit në krahun e tij, çka përbën një rast të veçantë.

28-vjeçari ka mundur të jetë kapiten te Partizani dhe te Tirana së fundmi, duke bërë të mundur diçka që nuk ka ndodhur më parë të paktën gjatë dy dekadave të fundit.

Kualifikim i rëndë, i jashtëzakonshëm për një Tiranë që është rikthyer e madhe?

Nuk do të thosha kualifikim i jashtëzakonshëm. Do të thosha kualifikim i rëndësishëm, i bukur. Ishte një kualifikim i merituar dhe i besuar.

Përse u kualifikua Tirana? Çfarë bëtë ju më shumë se kundërshtari që para sfidës kishte një vetëbesim të çuditshëm?

Luftuam në çdo cep të fushës. Ndeshjen e kishim përgatitur shumë mirë në çdo detaj. Kundërshtarit nuk i lamë asnjë hapësirë. Ama të them të drejtën ne e kishim menduar kualifikimin. Ia dolëm dhe e merituam këtë kalim turi.

Paçka se nuk e dhatë pasin e drejtpërdrejtë, ju dhe Kaleja e nisët atë aksion me pasa? që shkoi gol?

Me Kalenë njihemi goxha mirë. Që në Vlorë na ka pëlqyer të luajmë në zona të ngushta dhe e bëmë. Në fakt, ishte fat, por ne duhet ta luanim më shumë topin. Kundërshtari nuk po na lejonte dhe ne duhet ta kontrollonim topin. Duhet ta kishim bërë më shpesh gjatë lojës, por në fund ia dolëm dhe u kualifikuam.

Tani duhet të luani një sfidë shumë të rëndësishme, atë me Crvena Zvezdën ku Tirana duhet të provojë sërish kualifikimin?

Është përgjegjësi shumë e madhe. Crvena është një kundërshtar akoma më i vështirë. Është një kundërshtar favorit për të fituar ndeshjen, ndonëse futbolli është i tillë është.

Që do të thotë?

Që në futboll fiton ai që e kërkon më shumë fitoren, paçka forcës. Ne nuk do të hyjmë në fushën e lojës të dorëzuar. Ne do të hyjmë në fushën e lojës për ta shijuar atë ndeshje dhe më pas me ndihmën e Zotit mund të bëjmë gjëra të mëdha.





Lajmet e fundit nga