web counter
LEXO PA REKLAMA!

SHKARKO APP

App Store
Google Play

E fundit!

x

Osmani: E lashë futbollin se doja ta shihja Tiranën nga lart

20 Gusht 2020, 17:18, Sport CNA

Tefik Osmani i dha zyrtarisht lamtumirën futbollit të luajtur vetëm dy ditë para ndeshjes me Dinamo Tbilisin, 0-2. Ish-mbrojtësi do të jetë gjithsesi sërish pjesë e bardhebluve, por këtë herë në post drejtuesi. Në një bisedë për ?Panorama Sport? pas ndeshjes së djeshme, korçari nuk ngurroi të bënte një batutë lidhur me kualifikimin e Tiranës.

Si është të shohësh kualifikimin nga tribuna?

Unë prandaj i vara këpucët në gozhdë siç thuhet popullorshe, sepse jam pak i fiksuar. Kisha qejf ta shihja kualifikimin nga lart, afër presidentit dhe stafit të tij.

Keni qenë ndër ata që besonit te kalimi i turit?

Është e vërtetë. Tirana ka krijuar një grup me çuna shumë të mirë që të japin besim.

Tani është përpara Crvena Zvezda, si e prisni këtë ndeshje?

Çdo ndeshje, sa vjen dhe vështirësohet. Nuk është kampionat dhe të themi që Tirana është për kampion. Pasi kjo dihet që është? Çdo ndeshje që kalon, aq më i vështirë bëhet kundërshtari. Megjithatë, me disiplinë, çdo gjë arrihet.

Çfarë duhet të bëjë Tirana për hapin e madh?

Me sa di, presim dy apo tre lojtarë të tjerë. Nëse ata na vijnë në kohë, do të plotësohet grupi. Mendoj se do ta kemi jo kaq të vështirë sa ndeshjen e parë me një grup më të plotësuar. Sepse e patë edhe vetë që dëmtimet apo lodhja fizike ndikuan. Kjo duke ditur që kundërshtari ishte në javën e dhjetë të kampionatit, pra në ritëm maksimal.

Ju vjen keq që nuk ishit në fushë?

Jo, nuk më vjen keq fare. I kam përjetuar ato emocione, tani dua që Tirana të ecë sa më lart.





Lajmet e fundit nga