web counter
LEXO PA REKLAMA!

SHKARKO APP

App Store
Google Play

Ishte nga më të kërkuarit në merkato, mbrojtësi akord me Kastriotin

20 Gusht 2020, 09:19, Sport CNA

Një lojtar që ka rënë në sy tek Iliria sezonin e shkuar, duket se i ka bindur Kastriotin për ta bërë pjesë të skuadrës së tyre. Bëhet fjalë për qendërmbrojtësin e talentuar Luis Gjini, i cili jo vetëm që ka shkëlqyer me fushë-krujasit, por ka qenë një ndër më të kërkuarit në merkato.

Aktualisht qendërmbrojtësi ka arritur një akord paraprak dhe po stërvitet me skuadrën, ndërsa në ditët në vijim pritet të vijë dhe firma mbi kontratë. Ndërkohë, ashtu sikurse e pati paralajmëruar ekskluzivisht edhe ?Panorama Sport? në numrin e djeshëm, portieri Amarildo Çekrezi ka zbarkuar pasditen e së mërkurës në Krujë.

Ai pritet që gjatë ditës së sotme të takohet me drejtuesit e klubit krutan për të diskutuar detajet e fundit të kontratës. Në fakt, akordi paraprak është arritur prej disa ditësh, mirëpo sot do të diskutohen edhe disa pika të marrëveshjes për të bërë më pas edhe zyrtarizimin.

Sot trajneri Ramadan Ndreu do t?i shohë më mirë lojtarët e afruar së fundmi, por edhe pjesën tjetër të skuadrës, pasi në program është miqësorja me Kukësin, që do të luhet në orën 17:00 në stadiumin ?Redi Maloku?. Sakaq, dje është konfirmuar një tjetër lajm i gazetës, pasi krutanët kanë prezantuar trajnerin e portierëve Blendi Baholli, i cili plotëson në këtë mënyrë stafin teknik të drejtuar nga Ndreu.





Lajmet e fundit nga