E fundit!

09:13 Kronika

Plagosja me armë zjarri e 35-vjeçarit në Pogradec/ Zbardhet ngjarja

Është zbardhur ngjarja e ndodhur një ditë më parë në Pogra...

Ndeshja e parë me Partizanin, Daja: Ja problemet që ka ekipi

20 Gusht 2020, 20:25, Sport CNA

Trajneri Ilir Daja ka debutuar dje në krye të stolit të Partizanit, ku ka barazuar 1-1 në miqësoren me Korabin. Ky prezantim vinte pas një jave stërvitjej. Në përfundim të ndeshjes, timonieri i të kuqve ka treguar se cilat ishin problemet që pikasi dhe risitë.

Në prononcimin për mediat, trajneri Daja se nga ekipi mori atë përgjigje që priste, pasi kanë bërë vetëm 4-5 seanca stërvitore dhe miqësorja i ka vlejtur më shumë për të marrë informacion për disa lojtarë, përpara se të ndahet grupi, pasi një pjesë pritet që të kalojë te Partizani B.

53- vjeçari edhe dje ka folur se cili është çelësi i suksesit për një ekip dhe ai pret që të mos mbetet përforcimi më i rëndësishëm, pasi ka shpresa se këtë javë do të zhbllokohet merkatoja dhe grupi do të plotësohet me lojtarë cilësorë.

Nga rezultati mbase nuk jeni i kënaqur, por a morët një përgjigje në këtë ndeshje të parë miqësore?

Sigurisht që rezultati është primar në një ekip të parë, por jo në ndeshje miqësore apo ballafaqimin e parë, sepse ka një sens logjik, aq më shumë pas 4-5 seancave stërvitore ku nuk ke marrë ngarkesën e duhur. E prisnim që reagimi i lojtarëve të ishte ashtu siç u paraqit sot (dje), sepse në këto ditë kanë goxha ngarkesë me dy seanca në ditë.

Qëllimi i kësaj ndeshjeje miqësore ishte që të provonim dhe të merrnim informacion për disa nga lojtarët që duhet t?i afrohen grupit të atyre që quhen titullarë dhe jo për të parë se çfarë do të bënte ekipi në raport me rezultatin. Ne si staf kemi një praktikë pune që duhet t?ua themi njëherë teorikisht, të punojmë në stërvitje dhe më pas t?ua kërkojmë në ndeshje.

Cilat ishin problemet dhe risitë?

U panë goxha probleme taktike në grup. Nuk është faji i lojtarëve, por i seancave të pakta që kemi zhvilluar deri tani. Në këtë sens, te pjesa e lojtarëve që kam më pak informacion, sot mora një njohuri në një përballje si kjo me Korabin. Janë 2-3 elementë që mund t?i bashkëngjiten pjesës kryesore të grupit. Kjo fazë do të na shërbejë edhe për ta ndarë ekipin, jo për të larguar njeri, por për të ndarë kontingjentin edhe për Partizanin B, sepse në fund fare në këtë vit do të punojmë që të kemi një kontingjent akoma më të madh në mënyrë që dy ekipit të jenë të plotësuara.

Cilët ishin elementët që spikatën dhe diçka për Lukas Kardozon që rikthehet me gol?

Lukas Kardozo që në fillim ka dhënë shenja shumë pozitive nga mënyra edhe se si po e përballon ngarkesën dhe më vjen mirë që u rikthye me gol. Janë 2-3 elementë të rinj që ndoshta duhet të marrim më tepër informacion, që unë pastaj të përmend edhe emrat e tyre, pasi koha e shkurtër mund të bëjë që edhe gjykimi të jetë subjektiv.

Luajti edhe mesfushori nga Hong Kongu, Remi Dujardin?

Nuk do të them ndonjë gjë të veçantë, por ajo që ishte e veçantë te ky lojtar ishte thjeshtësia. Ndonjëherë është më e mirë kështu sesa të bëjmë veprime të tepruara. Luajti shumë thjesht për të bërë më pak gabime. Është një element që duhet të plotësohet, sigurisht për të qenë pjesë e kontingjentit të ekipit të parë.

I druheni faktit se ju mund të jeni blerja më e rëndësishme e Partizanit, duke ditur se merkatoja është akoma e bllokuar?

Unë do të thosha se çelësi i suksesit është bashkëpunimi dhe aktorët kryesorë janë lojtarët. Pastaj të gjitha strukturat plotësuese janë në shërbim të tyre, në mënyrë që të marrim atë që kërkohet nga klubi. Do të thosha se blerjet duhet të jenë më shumë në drejtim të plotësimit të ekipit me lojtarë cilësorë, duke shpresuar që këtë javë të na zhbllokohet edhe merkatoja dhe ta bëjmë fakt të kryer këtë gjë.