web counter
LEXO PA REKLAMA!

SHKARKO APP

App Store
Google Play

Garsia nuk pyet as për Bayernin: Frikë prej tyre? Atëherë më mirë të qëndrojmë në hotel

19 Gusht 2020, 07:22, Sport CNA

Trajneri i Lionit, Rudi Garsia, pranoi gjatë konferencës për shtyp se skuadra e Bajernit është favorite për të fituar duelin e sotëm. Francezi gjithsesi tha se skuadra e tij nuk kishte ardhur deri këtu për piknik, por për të luftuar deri në fund.

?Ata janë një skuadër e kompletuar në të gjitha drejtimet. Nëse u hedh një sy statistikave të tyre dhe të Mançester Sitit para ndeshjeve çerekfinale, mund të themi se ne nuk do të kishim asnjë shans. Por në futboll mund të ndodhë gjithçka. Ne jemi pa dyshim skuadra më pak favorite për të fituar, por mundësia për t?u kualifikuar është e barabartë. Do të shfrytëzojmë të gjitha avantazhet tona për të shkuar në finale. Është një objektiv që duam ta arrijmë me çdo kusht?, tha ish-trajneri i Romës.

Tekniku i francezëve tregon se si po mendon të ndalojë furinë bavareze.

?Mënyra për të ndalur Bajernin? Kemi punuar shumë në aspektin psikologjik. Siti kishte shënuar më shumë se 100 gola në kampionat dhe ndaj nesh ata shënuan vetëm 1 herë. Statistikat kanë pak vlerë në ndeshje të tilla.

Nëse do t?i merrnim parasysh, atëherë më mirë të qëndrojmë në hotel dhe ta shohim ndeshjen në televizor. E dimë që para kemi një kundërshtar të fortë që ka në përbërje lojtarë të mëdhenj.

Ata nuk kanë pika të dobëta, por nuk janë skuadër perfekte. Do t?i imponojmë lojën tonë dhe do të mundohemi të mbajmë zotërimin e topit sa më shumë. Nuk do të mbyllemi prapa dhe të mbrohemi, nuk është kjo ideja e lojës sonë. Duhet të besojmë në aftësitë tona dhe të godasim kundërshtarin kur të vijë momenti?, përfundoi trajneri i Lionit.





Lajmet e fundit nga