E fundit!

12:23 Aktualitet

Përshkallëzohen tensionet në protestë/ Forcat e FNSH-së mbërrijnë para Kuvendit

Ka tensione dhe përplasje mes qytetarëve dhe forcave të po...

Egbo dhe Muça nuk i druhen Dinamo Tbilsit: Synojmë kualifikimin

19 Gusht 2020, 06:29, Sport CNA

Gentjan Muça ishte në një linjë me Emanuel Egbonë gjatë konferencës për shtyp. Ai mendon se Tirana ka shanse të mëdha për t?u kualifikuar më tej, ndërsa si një motiv shtesë për bardheblutë shërben edhe ai kualifikim në vitin 2003 ndaj Dinamo Tbilisit. Fillimisht qendërmbrojtësi foli për situatën e pazakontë që po kalon sporti prej Koronavirusit.

?Është një situatë e vështirë dhe për më tepër koha e paktë për të pushuar. Ka qenë një periudhë shumë e vështirë jo vetëm për ne, por në të gjithë botën. Për ne ka qenë shumë e vështirë, pasi kemi pasur vetëm një javë kohë për të pushuar dhe për të rikuperuar energjitë që të mund ta përgatisim si duhet këtë sfidë. Ne kemi mentalitetin dhe qetësinë e duhur për këtë ndeshje dhe kemi punuar maksimalisht.

Atë që kemi treguar në kampionat, mendoj se jemi gati që ta tregojmë edhe në këtë përballje?, ka thënë fillimisht Muça. I ngacmuar për faktin se Tirana e ka eliminuar një herë Dinamon e Tbilisit dhe mund t?ia dalë sërish, ai dha këtë përgjigje: ?Sigurisht që e kaluara shërben për të ardhmen, mirëpo gjërat kanë ndryshuar që nga ajo ndeshje.

Gjithsesi, ne nuk kemi ardhur këtu për turizëm. Kemi shanset tona dhe do ta provojmë. Morali është shumë i lartë dhe ne jemi të bashkuar në skuadër. Jemi të përgatitur mirë për këtë ndeshje, sepse e dinim që nuk do të kishim mjaftueshëm kohë për ta përgatitur si duhet ndeshjen. Edhe lojtarët e rinj që kanë ardhur, i kanë dhënë një tjetër pamje grupit, duke na forcuar. Në ekip kemi një moshë relativisht të re. Është një ndërthurje e eksperiencës me lojtarë të rinj. Kjo gjë besoj do të jetë në favor për sot dhe besoj edhe për të ardhmen?.

Në fund, Muça theksoi se ekipi duhet të jetë kompakt në fushë. ?E rëndësishme që të punohet në grup. Qoftë për fazën mbrojtëse, ashtu edhe për atë sulmuese. Duhet të mbështesim njëri-tjetrin dhe për t?i lënë sa më pak hapësira kundërshtarit?.