web counter
LEXO PA REKLAMA!

SHKARKO APP

App Store
Google Play

E fundit!

x

Zhgënjen sërish Ferrari, Hemilton "diktator" i Formulës 1

16 Gusht 2020, 16:14, Sport CNA

Luis Hemilton dominoi Çmimin e Madh të Spanjës në Formula 1 duke e fituar atë para Maks Verstapen dhe Valteri Botas, duke thelluar edhe më shumë diferencën ndaj këtyre dy pilotëve që e ndjekin në renditjen e përgjithshme të kampionatit.

Edhe pse makinat Red Bull kishin treguar se me gomat e mesme kishin një ritëm shumë të lartë, Hemilton u tregua më i shpejtë në momentet kritike të garës duke mos i dhënë asnjëherë mundësinë Verstapen që ta rrezikonte. Britaniku kontrolloi gjithçka shumë mirë që në kthesën e parë dhe la Botas të merrej me ndjekësit e tij, duke vazhduar i qetë garën deri në fundin e saj. I vetmi shqetësim për të ishte një vonesë e vogël në ndërrimien e pare të goimave, por sapo u kthye në pistë, ai vendosi një ritëm të papërballueshëm për kundërshtarët e tij.

Kështu, Hemilton fitoi në pistën e Barcelonës, me Verstapen e Botas që prenë vijën e finishit pas tij,  ndërsa dominimi i makinës Mercedes ishte i tillë sa që kryesuesi i kampionatit arriti të linte një xhiro mbrapa të gjithë pilotët duke filluar nga vendi i katërt i Stroll, për të vazhduar me Perez, Sainz, Fetel, Albon, Gasli dhe Norris të cilët plotësuan zonën e pikëve.

Përsëri dështim për Ferrarin, pasi Leklerk ishte i vetmi pilot që nuk e mbylli Çmimin e Madh të Spanjës, sepse një defekt elektrik bëri që makina e tij të rrotullohej në pistë e më pas ai të tërhiqej.





Lajmet e fundit nga