web counter
LEXO PA REKLAMA!

SHKARKO APP

App Store
Google Play

E fundit!

x

"Tirana vazhdon me Likën në portë, rrëfehet Halili: Vijnë tre afrikanë dhe e mbyllim, Egbo ka...

16 Gusht 2020, 08:35, Sport CNA

Tirana ndodhet në Pogradec, ku është stacionuar për të zhvilluar përgatitjet për ndeshjen e parë eliminatore të Champions League, ndaj Dinamo Tbilis në Gjeorgji më datë 19 gusht. Bardheblutë vazhdojnë përgatitjet në fushë, ndërsa klubi vazhdon të sjellë lojtarë të rinj për të përforcuar grupin e Egbo.

Pritet të vijnë edhe tre lojtarë nga Afrika, që siç thotë presidenti Halili do të jenë të fundit. Do të jenë dy talente të rinj dhe një sulmues i afirmuar ata që do mbyllin merkaton e Tiranës, që duket se edhe këtë sezon do të mbajë Ilion Likën në portë, pasi objektivi Visar Bekaj duket i vështirë për tu arritur nga bardheblutë.

?Do vijnë tre afrikanë dhe a do jenë të fundit? Është e vërtetë. Lojtarët me shumë mundësi do të jenë këtu me ne për pak ditë. Ky do të jetë kontingjenti për kupat e Europës dhe kampionatin shqiptar.

E njihni Dinamo Tbilisin? Stafi ka të gjithë informacionin e nevojshëm. Kemi të gjitha ndeshjet që kanë luajtur ata. Nga ana teknike e di trajneri. E dimë se çfarë kërkojmë. Edhe skuadra e di se çfarë kërkojmë ne. Kërkojmë të kualifikohemi.

Objektivi në Superligë? Për kampionatin them që shpresoj të nisë. Të gjithë lojtarët të jenë sa më mirë. Sa për të ardhmen, më mirë të flasë fusha sesa ne. Mua ky grup lojtarësh më bind dhe them që Tirana është skuadra më e mirë sot për sot në Shqipëri.

Kontrata e Egbo? Të gjithë lojtarët që janë këtu, jo vetëm trajneri i Tiranës, kanë kontratë. Egbo e ka rinovuar kontratën?, u shpreh presidenti i bardhebluve.





Lajmet e fundit nga