web counter
LEXO PA REKLAMA!

SHKARKO APP

App Store
Google Play

E fundit!

x

E kryer/ Ish-futbollisti i Skënderbeut transferohet në klubin më të trofeshëm të Austrisë

5 Gusht 2020, 09:34, Sport CNA

Blend Baftiu është padyshim lojtari, që ka befasuar më shumë në këtë edicion të Superligës së Kosovës. 22-vjeçari nuk mori besimin e duhur nga Prishtina e Skënderbeu dhe atë çka nuk ia dhanë këta dy klube, ia dha Ismet Munishi te Ballkani. Baftiu arriti t?ia shpërblejë gjithçka trajnerit, duke u shpallur golashënuesi më i mirë i kampionatit të Kosovës.

Fantazisti u përshtat si sulmues këtë edicion dhe arriti të shënojë plot 19 gola, duke fituar garën me të gjithë sulmuesit e tjerë në Dardani. Ky nivel i lartë i treguar nga ai, ka ngjallur interesin e disa klubeve të njohura në arenën e madhe europiane. Para disa ditësh për Baftiun u tha se interesohej Gallatasaraj dhe Beshiktash, ndërkohë që ditët e fundit u fol për akord me një klub austriak. Këtë marrëveshje e zbardhi edhe trajneri i Ballkanit, Ismet Munishi.

?Nuk shkon te Rapidi. Shkon diku tjetër. Unë e di, nuk flas, por pak ka rëndësi. Kryesorja është se ka shumë oferta dhe njerëzit që e pëfaqësojnë i ka shumë të suksesshëm?, shkroi Munishi në llogarinë e tij në rrjetet sociale. Pas kësaj deklarate mediet kosovare hulumtuan dhe ishte ?Insporti?, që zbuloi se Baftiu do të transferohet te klubi më i trofeshëm në Austri, Austria Vien. Ai është klubi më i trofeshëm në futbollin e Austrisë, me gjithsej 24 tituj të Bundesligës, dhe 27 Kupa.

Baftiu është aktivizuar edhe te Skënderbeu U19, ku ka luajtur një sezon (2015-16), për tu kthyer më pas sërish në Kosovë te ekipi i Prishtinës. Prej dy sezonesh i riu aktivizohet te Ballkani ku duket se ka gjetur veten dhe ky klub është ?vitrina? e duhur për të arritur të luajë në një ligë më kompetitive dhe më të pasur.





Lajmet e fundit nga