web counter
LEXO PA REKLAMA!

SHKARKO APP

Elton Deda shfryn ndaj Kristi Vangjelit: Bëri teatër kundër Teutës, kisha kohë pa parë ndeshje si kjo

5 Gusht 2020, 08:09, Sport CNA

Artistët e kanë në gjen revoltën. Kur diçka nuk u pëlqen, janë ndër të parët që e ngrenë zërin. Rrallëherë përfshihen në botën e sportit, por as aty nuk bëjnë dallim të zbrazin kritika. Elton Deda, këngëtari i mirënjohur shqiptar, është një tifoz i thekur i Tiranës. Ndeshja kundër Teutës në finalen e Kupës i ka lënë një shije të hidhur dhe nuk e ka fshehur zhgënjimin për performancën e bardhebluve.

Në shënjestrën e tij ka përfunduar edhe mbrojtësi Kristi Vangjeli, që gaboi fatalisht te goli i dytë i Teutës me autor Lorenco Vilën. Ai gol në fakt mbylli llogaritë dhe Deda e cilësoi teatër daljen huq të Vangjelit në tentativën për të spastruar zonën. ?Vangjeli, ky huqs i modh. Kisha kohë pa parë teatër. Ju lumtë?, ishte mesazhi i Elton Dedës në faqen zyrtare të Tiranës në ?Facebook?. Më pas hyjnë në diskutim edhe tifozë të tjerë dhe Deda e zbut disi qëndrimin e tij kritik, por sërish me doza të mëdha dyshimi, se bardheblutë mund edhe ta kenë toleruar ndeshjen.

?E pashë nga mesi i pjesës së parë deri në fund. Tirona ishte e shkrehur. Por deri sa ishte 1-0, mund t?u kthente. Gabimi i Vangjelit m?u duk pak teatër, se ishte foshnjarak. Mbase jam gabim, por shumë turbull luajtën. Durrësi luajti më mirë?, ishte repklika e Elton Dedës me një tifoz. ?Shumë turbull. Super gafë e Vangjelit dhe ata mbyllën ndeshjen. Gjithsesi ?Tirona forever’?, ishte një tjetër postim i këngëtarit të njohur.

Kujtojmë se Kristi Vangjeli iu bashkua skuadrës në gusht të vitit të kaluar dhe ishte një ndër shtyllat e ekipit bardheblu në fitimin e titullit. Një pjesë të madhe të ndeshjeve 34-vjeçari u aktivizua në qendër të mbrojtjes. Ai luajti 3 ndeshje në kampionat, shënoi 1 gol dhe u ndëshkua 6 herë me karton të verdhë. Sa i përket ndeshjes me Teutën, Elton Deda nuk ishte i vetmi personazh i njohur publik që hodhi dyshime për finalen.





Lajmet e fundit nga