web counter
LEXO PA REKLAMA!

SHKARKO APP

App Store
Google Play

E fundit!

x

Ekspertët: Kur, pse dhe si ta përdorni maskën gjatë kësaj pandemie

31 Korrik 2020, 06:45, Politikë CNA

Duket se maskat e fytyrës do të jenë me ne për jo pak kohë. ?The New York Times?, anketoi 511 epidemiologë, dhe më shumë se gjysma e tyre parashikuan se maska ??do të jetë eë nevojshme për të paktën vitin e ardhshëm, në mos më gjatë. Universitet po kërkojnë që studentët të mbajnë maska ??në kampuse, kur të rifillojë shkolla në shtator.

Organizata Botërore e Shëndetit, rekomandon që të gjithë të mbajnë një maskë kur janë në ambiente publike. Qendrat për Kontrollin dhe Parandalimin e Sëmundjeve (CDC), thonë se organizatorët e tubimeve të mëdha duhet të ?inkurajojnë fuqimisht? përdorimin e maskave nga pjesëmarrësit.

Ja çfarë duhet të dini:

Ekspertët e shëndetit publik, thonë se duhet të mbani maskë ??jashtë shtëpisë, sidomos kur jeni pranë njerëzve të tjerë.

Studimet e deritanishme, tregojnë se mbajtja e maskës ??dhe distancimi social, duket se e kufizon përhapjen e virusit.

Maskat kirurgjikale apo ato prej lecke që mund të ripërdoren pasi lahen, janë ideale për përdorimin e përditshëm. Maska N95 dhe të tjera të llojit mjekësor, duhet të rezervohen për profesionistët e kujdesit shëndetësor.

Maska duhet të mbulojë plotësisht gojën dhe hundën, duke u puthitur lehtë në fytyrë. CDC në SHBA, nuk rekomandon përdorimin e çfarëdolloj mbulese në fytyrë, si zëvendësues të maskave të krijuara enkas.

Një studim i financuar nga Organizata Botërore e Shëndetit, dhe i botuar në revistën shkencore ?Lancet? këtë muaj, arriti në përfundimin se qëndrimi të paktën 1 metër larg nga të tjerët dhe mbajtja e maskës në ambiente të mbyllura, duket se e kufizon transmetimin e koronavirusit.

Madje një studim i veçantë nga universitetet e Kembrixhit dhe Grinuiçit, zbuloi se përdorimi masiv i maskave të fytyrës, mund të parandalojë një valë të dytë të sëmundjes. ?Mbajtja e maskës ka të bëjë me mbrojtjen e fqinjit apo të afërmit tuaj, dhe jo domosdoshmërish të vetes. Por, nëse e bëjmë në mënyrë universale, atëherë mbrojmë njëri-tjetrin?- thotë Xhada Pagkas-Bater, eksperte e sëmundjes infektiv në Universitetin e Çikagos.

Një studim i Axios-Ipsos, i publikuar këtë muaj zbuloi se 50 për qind e amerikanëve thanë se ata mbanin maskë ?në çdo kohë? kur dalin nga shtëpitë e tyre, ndërsa 27 për qind raportuan se mbajnë maskë ?për njëfarë kohe, por jo gjatë gjithë kohës?. Vetëm 10 për qind e të anketuarve, thanë se nuk mbajnë asnjëherë maskë.

?Në qoftë se nuk jeni duke ecur në një shteg ku jeni vetëm ju dhe natyra, atëherë duhet të mbani maskë në fytyrë, Mbajtja e saj është një përgjegjësi kolektive?- thekson Pagkas-Bater.

?The Washington? Post foli me disa epidemiologë dhe ekspertë të sëmundjes infektive, se kur duhet mbajtur maska, dhe se si ato luajnë një rol në zvogëlimin e përhapjes së koronavirusit të ri.

Shumë prej tyre theksuan se maska ??nuk është një zgjidhje 100 për qind e sigurt, teksa njerëzit duhet të vazhdojnë të lajnë duart me sapun dhe ujë për të paktën 20 sekonda. Gjithsesi, maska mund të ketë ndihmuar në frenimin e përhapjes së virusit në një parukeri flokësh në Misuri. Në maj, 2 pakuriere me Covid-19 punuan me 139 klientë, para se të rezultonin pozitive ndaj koronavirusin.

Si parukieret ashtu edhe klientët e tyre, mbanin maska ??gjatë punës, dhe për pasojë asnjë prej klientëve nuk rezultoi i prekur. Ndërkohë fëmijët më të vegjël se 2 vjeç, dhe kushdo që ka probleme kronike me frymëmarrjen, nuk duhet të mbajë maskë. Ekspertët rekomandojnë që pasi të ktheheni në shtëpi, të hiqni maskën me kujdes dhe të lani menjëherë duart me sapun./ washingtonpost.com–Përshtatur nga CNA.al





Lajmet e fundit nga